काठमाडाै, भदाै २ । सिंहदरबारमा आज बिहान ११ बजेदेखि प्रतिनिधिसभाको बैठक सुरु हुँदैछ, जसमा यसअघि सांसदहरूले सोधेका विभिन्न प्रश्नको जवाफ चार जना मन्त्रीले दिनुपर्ने भएको छ। यी प्रश्नहरू परराष्ट्र मामिला, ऊर्जा तथा सिँचाइ, पर्यटन तथा उड्डयन, र कृषि-वन क्षेत्रसँग जाेडिएका छन्।
बैठकमा सरकारको तर्फबाट कानुनमन्त्री सोविता गौतमले थारू आयोगले तयार पारेको विगत आर्थिक वर्षको वार्षिक प्रतिवेदन सदनमा राख्ने कार्यक्रम रहेको छ। यसबाहेक उनैले मेलमिलाप ऐन संशोधनसम्बन्धी विधेयक र समुद्री जैविक विविधता जोगाउने अन्तर्राष्ट्रिय सन्धिसमेत प्रस्तुत गर्नेछिन्।
परराष्ट्रमन्त्री शिशिर खनालले भने राहदानीसम्बन्धी कानुनमा संशोधन ल्याउने विधेयकमाथि छलफल हुनुपर्ने प्रस्ताव अघि सार्नेछन्।
