०४ मंसिर २०८३, बिहिबार
19-11-2026 , Thu
Gold Silver Price (Mangsir 1, 2083, TUE)
Fine Gold 1 Tola NRs. 267500
Silver 1 Tola Nrs. 3505

बंगलादेशमा ३५ वर्षपछि आज राष्ट्रपति निर्वाचन, फखरुलको जित लगभग पक्का

Logo
जनचर्चा संवाददाता

काठमाडाैं, भदाै ४ । बंगलादेशमा ३५ वर्षपछि आज (४ भदौ) राष्ट्रपतिको निर्वाचन हुँदैछ। स्थानीय समयअनुसार दिउँसो २ देखि साँझ ५ बजेसम्म संसदमा मतदान हुनेछ। यस निर्वाचनमा सत्तारूढ बीएनपीका नेता मिर्जा फखरुल इस्लाम आलमगीर र ११ दलीय विपक्षी गठबन्धनका उम्मेदवार कर्णेल (अनि.) ओली अहमदबीच प्रतिस्पर्धा हुनेछ।

यसै वर्ष १२ फेब्रुअरीमा सम्पन्न आम निर्वाचनपछि बीएनपी सत्तामा आएको थियो, र संसदमा दुई तिहाइभन्दा बढी बहुमत रहेकाले फखरुलको विजय लगभग निश्चित मानिएको छ। पेशाले अर्थशास्त्री रहेका फखरुल १९९० को दशकदेखि बीएनपीको राजनीतिमा सक्रिय छन् र यसअघि कृषि राज्यमन्त्री तथा स्थानीय विकास मन्त्री समेत भइसकेका छन्।

राष्ट्रपति निर्वाचनमा जम्मा ३४९ सांसदले मतदान गर्नेछन् र मतगणना प्रत्यक्ष प्रसारण गरिनेछ। विजयी उम्मेदवारले भोलि (शुक्रबार) साँझ बंगभवनको दरबार हलमा राष्ट्रपतिको रूपमा शपथ लिनेछन्।

पूर्वप्रधानमन्त्री शेख हसिनाका निकट सहयोगी मानिने मोहम्मद शहाबुद्दिनले स्वास्थ्य कारण देखाउँदै आफ्नो पाँचवर्षे कार्यकाल पूरा हुनुअघि नै गत महिना राजीनामा दिएपछि यो निर्वाचन आवश्यक भएको हो। हाल सभामुख हाफिज उद्दीन अहमद कार्यवाहक राष्ट्रपतिको जिम्मेवारीमा छन्। संविधानअनुसार पद रिक्त भएको ९० दिनभित्र नयाँ राष्ट्रपति निर्वाचन गर्नुपर्ने व्यवस्था छ।
नेपालमा झै‌ं ब‌ंगलादेशमा पनि राष्ट्रपति आल्कारिक र प्रधानमन्त्री कार्यकारी हुने गर्दछ ।

कमेन्ट गर्नुहोस्
सम्बन्धित

१ मंसिर, काठमाडौं । प्रहरी महानिरीक्षकको जिम्मेवारीबाट हटाइएका दानबहादुर कार्कीले सर्वोच्च अदालतमा दायर गरेको रिट निवेदनमाथि बुधबार प्रारम्भिक सुनुवाइ हुने भएको छ । कार्कीले २० कात्तिकमा निवेदन दर्ता गरेका थिए । अदालतले तिहार बिदापछि ३० कात्तिकका लागि सुनुवाइको मिति तोकेको भए पनि सरकारले सोही दिन छठको सार्वजनिक बिदा दिएकाले मुद्दा स्वतः सरेको थियो । तिहार […]

काठमाडाै‌, कार्तिक २४ ।  नेपाल संवत् ११४७ आज देशभर विविध कार्यक्रमसहित मनाइँदै छ। नेवार समुदायले यस दिनलाई नयाँ वर्षका रूपमा मनाउँदै म्हः (आत्म) पूजा पनि गरिरहेका छन्। काठमाडौंको वसन्तपुरमा नेवार समुदायका मानिस भेला भई बाजागाजासहित पर्व मनाएका छन्। इतिहासअनुसार राष्ट्रिय विभूति शङ्खधर साख्वाले विसं ९३७ (इसं ८८०) मा गरिब जनताको ऋण मोचन गरेपछि नेपाल संवत् […]

काठमाडाै‌, कार्तिक २४ । राष्ट्रिय स्वतन्त्र पार्टी (रास्वपा) का उपसभापति तथा अर्थमन्त्री डा. स्वर्णिम वाग्ले अमेरिकी पत्रिका टाइमको १०० प्रभावशाली व्यक्तिको सूचीमा परेपछि पार्टीले उनलाई बधाई दिएको छ। महामन्त्री विपिनकुमार आचार्यले जारी गरेको विज्ञप्तिमा जलवायु वित्त परिचालन, स्रोत व्यवस्थापन र अन्तर्राष्ट्रिय प्रणालीगत सुधारमा वाग्लेले देखाएको नेतृत्वलाई नेपालका लागि महत्त्वपूर्ण भनिएको छ। विज्ञप्तिअनुसार रसुवा/भोटेकोशी बाढीपछि वाग्लेको […]