विराटनगर, भदाै १२ । विराटनगरस्थित बजाज मोटरका आधिकारिक डिलर यस एण्ड ब्रदर्शले मुनालपथस्थित शोरुममा नयाँ इलेक्ट्रिक स्कुटर चेतक ३५०३ र चेतक २५०१ सार्वजनिक गरेका छन्। बिहिबार शोरुम संचालक मनोज चौधरी, मोरङ ट्राफिक प्रहरी निरीक्षक सन्तोष न्यौपाने र लायन्स क्लबका चान्दबाबु इराकीको संयुक्त उपस्थितिमा स्कुटरहरू लोकार्पण गरिएको हो।
चेतक ३५०३ को मूल्य रु. ३ लाख ३९ हजार ९ सय रहेको छ र यो ४ रङमा उपलब्ध छ। यसमा ३.५ किलोवाट आवर क्षमताको ब्याट्री राखिएको छ, जसले फुल चार्जमा १५१ किमीसम्मको आइडिसी रेन्ज दिने बताईएकाे छ। यसकाे बुट स्पेस ३५ लिटरको रहेकाे छ।
अर्काे माेडल चेतक २५०१ को मूल्य रु. २ लाख ८१ हजार ९ सय राखिएकाे छ र यो ६ रङमा उपलब्ध छ। यसमा २.५ किलोवाट आवरको ब्याट्री छ, जसले फुल चार्जमा ११३ किमीसम्मको रेन्ज दिने कम्पनीकाे दावी छ। यसकाे बुट स्पेस भने २५ लिटरको रहेकाे छ।
यी दुवै स्कुटरमा कम्पनीले ५ वर्षको वारेन्टी उपलब्ध गराउने बताईएकाे छ ।
