काठमाडौं, चैत १८
सिन्धुपालचाेक,मेलम्ची नगरपालिकाको वडास्तरमा कोरोना संम्बन्धि जनचेतना विद्धि गरिएको छ । मेलम्ची नगरपालिकाका वडाअध्यक्षहरु आफै प्रत्यक्ष रुपमा जनचेतना फैलाउने काममा अहिले अहोरात्र खटिरेहका छन् ।
मेलम्चीका वडा नं ८ का अध्यक्ष ठंकराज गिरी वडाको कुनाकुनमा पुगि अहिले कोरोना सम्बन्धि जनचेतना फैलाउदै छन् । मास्क लगाउने फाईदा र हात सही तरीकाले कसरी धुने आफ्नो वडावासीलाई वडाध्यक्ष गिरीले सिकाउदै छन् । उनले चाँडैनै सम्पुर्ण वडावासीलाई निशुल्क हातधुने साबुन समेत वितरण गर्ने याेजना पनि बनाएका छन् । वडाध्यक्ष गिरी भन्छन् “म एक जनप्रतिनिधी भएकोले स्वभावैले म मा वडाबासीको भरोसा र जिम्मेवारी काँधमा छ , अन्तिम सास रहेसम्म वडावासीको लागी काम गर्ने हो”
वडामा कोही कोरोना लक्ष्यण भएका व्यक्ति देखा परे तत्काल आईसोलेशनमा राख्ने तयारी वडाअध्यक्ष गिरीले गरिसकेका छन् । ज्वारो नाप्ने थर्मोमिटर र आवश्यक अन्य औषधीको लागी नगरपालिकासँग समन्वयन गरिरहेको वडाध्यक्ष गिरीले बताएका छन् ।
यस्तो अवस्थामाा आ आफूले सकेको क्षेत्रबाट सक्दो सहयोग गर्नुपर्ने भन्दै सिन्धुपाल्चोक जिल्ला मेलम्ची नगरपालीका वडा नं. ८ का वडा अध्यक्ष ठंकराज गिरीले आफ्नो वडा बासीलाई तत्कालको लागी चाहिने केहि अतिआवश्यक औसधि वडामा उपलब्ध भएको बताउनु भएको छ ।
