विराटनगर, जेठ १३
नेपाली कांग्रेस विराटनगरले बिरामी तथा कुरुवाहरुलाई खाना खुवाउन शुरु गरेको अभियानले ५० औ दिन पुरा गरेको छ । नोबेल मेडिकल कलेज विराटनगरमा उपचारमा आउने बिरामी तथा बिरामीका कुरुवाहरुलाई कांग्रेस विराटनगरले दिनहु खाना खुवाउने काम गरिरहेको छ ।
लकडाउनका कारण विरामी कुरुवालाई ओहरदोहर गर्न असुविधा हुने भएकाले यथास्थानमा खाना खुवाउने व्यावस्था गरिएको नगरका उपसभापति प्रविण जोशीले बताए । “अहिले लकडाउनको अवस्था छ, एक त मानिसहरुसगँ रोजगारी छैन त्यसमाथि अस्पतालमा भर्ना भएकालाई त आर्थिक स्रोत जुटाउन झैनै ग्राह हुन्छ” उपासभापति जोशी भन्छन् “हाम्रो यो अभियानले विरामीको आर्थिक भारलाई थोरै भएपनि हलुको पर्ने हामीले ठानेका छौ”
विराटनगर काग्रेसका कार्यवाहक सभापती अरुण न्यौपाने, उपसभापति प्रबिण जोशी, उपसभापति खपंकज बर्मा,खसचिव प्रकाश दाहाल ,कोषाध्यक्ष सन्तोष अधिकारी लगायतका ब्यक्तिहरु महिनौ देखि खाना खुवाउने अभियानमा जुटिरहेका छन् ।
यस अभियानमा नेपाली कांग्रेसका नेता शेखर कोइराला, कांग्रेस केन्द्रीय सदस्य अमृत अर्याल, नेपाली कांग्रेस मोरङ अध्यक्ष डिग बहादुर लिम्बु ,प्रदेश १का सचेतक केदार कार्की , उपमेयर इन्दिरा कार्की, कांग्रेस मोरङ जिल्ला सचिव मोदराज घिमिरे ,सदस्य राजेश गुप्ता, ट्रेड युनिय प्रदेश १ का अध्यक्ष नारायण बाबु कार्की , मोरङ जिल्ला अध्यक्ष शुसिल कोइराला लगायतले खाना खुवाउने अभियानमा सरिक भइसकेका छन् ।
