०६ मंसिर २०८३, शनिबार
21-11-2026 , Sat
Gold Silver Price (Mangsir 1, 2083, TUE)
Fine Gold 1 Tola NRs. 267500
Silver 1 Tola Nrs. 3505

पुर्वडिआईजी कोइराला कैद छुट प्रकरण : प्रधानन्यायाधीश गल्ती सच्चाउन तयार, आजै पुनः सुनुवाई हुदै

Logo

काठमाडौं, साउन ११
पूर्वडीआईजी रञ्जन कोइरालाको कैद घटाउने गरी सर्वोच्च अदालतको फैसलामा महान्यायाधिवक्ताको कार्यालयले गरेको पुनरावलोकनमाथि आइतबार सुनुवाइ हुँदै छ । यो मुद्दा न्यायाधीशत्रय वमकुमार श्रेष्ठ, प्रकाश कुमार ढुंगाना र कुमार रेग्मीको बेन्चमा परेको छ ।

सर्वोच्चका एक पूर्वन्यायाधीशका अनुसार प्रधानन्यायाधीश आफैंले गरेको फैसला भएकाले पुनरावलोकन मुद्दामा उनले पेशी तोक्न मिल्दैन ।

प्रधानन्यायाधीश चोलेन्द्र शमशेर जबरा र न्यायाधीश तेजबहादुर केसीले पूर्वडीआईजी कोइरालाको मुद्दाको सजायँ कटौती गर्ने निर्णय गरेका थिए ।

प्रधानन्यायधीश राणाले शनिबार बालुवाटारस्थित निवासमा सर्वोच्च अदालतका न्यायाधीशहरुसँग यसबारे परामर्श गरेका थिए । सोही परामर्शअनुसार नै आइतबारको निर्णय आउने सूत्रको भनाइ छ
पत्नी गीताको हत्या गरेका कोइरालालाई जिल्ला अदालत र पुनरावेदन अदालतले सर्वश्वसहित जन्मकैदको फैसला सुनाएको थियो । तर जबरा र केसीले भने १५ असारमा कोइरालाको सजाय घटाउँदै ८ वर्ष ६ महिना कायम गरेको थियो । सर्वोच्चको सो फैसलाअनुसार ८ साउनमा कोइराला रिहा भएका छन् ।

सर्वोच्चको फैसला त्रुटीपूर्ण रहेको भन्दै महान्यायाधिवक्ताको कार्यालयले सोही दिन सर्वोच्चमा पुनरावलोकन निवेदन दर्ता गरेको थियो ।

गल्ती सच्याउन प्रधानन्यायाधीश तयार

पत्नीका हत्यारा पूर्वडीआइजी कोइरालाको सजायँ घटाउने सर्वोच्च अदालतको फैसलामा भएको गल्ती सच्याउन प्रधानन्यायाधीश चोलेन्द्र समसेर जबरा तयार भएको उच्च स्रोतले जनाएको छ । गत असार १५ गते प्रधानन्यायाधीश चोलेन्द्रसमशेर जबरा र न्यायाधीश तेजबहादुर केसीको इजलासले गरेको यो फैसलाको सर्वत्र आलोचना भएपछि प्रधानन्यायाधीश जबरा गल्ती सच्याउन तयार भएको स्रोतले बताएको छ ।

सर्वोच्चको फैसलापछि पूर्वडीआइजी कोइराला जेलबाट छुटिसकेका छन् । अदालतको यो फैसलाको विरोधमा सडकमा प्रदर्शनसमेत हुन थालेपछि प्रधानन्यायाधीश जबरा एक कदम पछि हटेका हुन् ।
फैसला पुनरावलोकनका लागि सर्वोच्च अदालतमा सरकारले दर्ता गरेको निवेदनमाथि सुनुवाई गर्नुपूर्व प्रधानन्यायधीश राणाले शनिबार बालुवाटारस्थित निवासमा सर्वोच्च अदालतका न्यायाधीशहरुसँग यसबारे परामर्श गरेका थिए । सोही परामर्शअनुसार नै आइतबारको निर्णय आउने सूत्रको भनाइ छ ।

सरकारले पुनरावलोकनका लागि दर्ता गरेको निवेदन नै अनुसार कोइरालाको मुद्दा पुनरावलोकनमा जाने निर्णय भइसकेपछि यो मुद्दा अदालती प्रक्रियामा प्रवेश गर्ने सर्वोच्च स्रोत बताउँछ । त्यसपछि बढीमा एक वर्षभित्र पुनरावलोकन सम्पन्न हुने जानकारहरु बताउँछन् । अन्तिम फैसला हुँदा पहिलेको आदेश उल्टियो भने रञ्जन कोइरालाले पुनः जेल बस्नुपर्ने हुन्छ । पुरानै फैसला सदर भएमा उनले जेल बस्नुपर्दैन ।
तर, असार १५ गतेको फैसलाप्रति कोही पनि न्यायाधीशहरु सन्तुष्ट नदेखिएकाले यो मुद्दा उल्टी हुने सम्भावना बढेको छ ।
अनलाइनखबर डटकमबाट

कमेन्ट गर्नुहोस्
सम्बन्धित

१ मंसिर, काठमाडौं । प्रहरी महानिरीक्षकको जिम्मेवारीबाट हटाइएका दानबहादुर कार्कीले सर्वोच्च अदालतमा दायर गरेको रिट निवेदनमाथि बुधबार प्रारम्भिक सुनुवाइ हुने भएको छ । कार्कीले २० कात्तिकमा निवेदन दर्ता गरेका थिए । अदालतले तिहार बिदापछि ३० कात्तिकका लागि सुनुवाइको मिति तोकेको भए पनि सरकारले सोही दिन छठको सार्वजनिक बिदा दिएकाले मुद्दा स्वतः सरेको थियो । तिहार […]

काठमाडाै‌, कार्तिक २४ ।  नेपाल संवत् ११४७ आज देशभर विविध कार्यक्रमसहित मनाइँदै छ। नेवार समुदायले यस दिनलाई नयाँ वर्षका रूपमा मनाउँदै म्हः (आत्म) पूजा पनि गरिरहेका छन्। काठमाडौंको वसन्तपुरमा नेवार समुदायका मानिस भेला भई बाजागाजासहित पर्व मनाएका छन्। इतिहासअनुसार राष्ट्रिय विभूति शङ्खधर साख्वाले विसं ९३७ (इसं ८८०) मा गरिब जनताको ऋण मोचन गरेपछि नेपाल संवत् […]

काठमाडाै‌, कार्तिक २४ । राष्ट्रिय स्वतन्त्र पार्टी (रास्वपा) का उपसभापति तथा अर्थमन्त्री डा. स्वर्णिम वाग्ले अमेरिकी पत्रिका टाइमको १०० प्रभावशाली व्यक्तिको सूचीमा परेपछि पार्टीले उनलाई बधाई दिएको छ। महामन्त्री विपिनकुमार आचार्यले जारी गरेको विज्ञप्तिमा जलवायु वित्त परिचालन, स्रोत व्यवस्थापन र अन्तर्राष्ट्रिय प्रणालीगत सुधारमा वाग्लेले देखाएको नेतृत्वलाई नेपालका लागि महत्त्वपूर्ण भनिएको छ। विज्ञप्तिअनुसार रसुवा/भोटेकोशी बाढीपछि वाग्लेको […]