भद्रपुर, श्रावण २०
लाइसेन्सको लागी लिइने ट्रायल परीक्षामा झापाका (सिडिओ) प्रमुख जिल्ला अधिकारी जनकराज दाहाल फेल भएका छन् । दाहालले कार, जीप, डेलिभरी भ्यानको लाइसेन्स लिन खोज्दा ट्रायलमा फेल भएका हुन् ।
गत मंगलबार बिर्तामोडस्थित यातायात व्यवस्था कार्यालयमै पुगेर उनले ट्रायल परीक्षा दिएका थिए । फेला भए लगतै प्रजिअ दहालको प्रवेश पत्र ट्राफिक प्रहरीले परीक्षण स्थलमै च्याती दिएका थिए । पछिल्लो समय सवारी चालक अनुमतिपत्रको परीक्षामा अनियमितता र सेटिङमा लाइसेन्स वितरण गर्ने गरेको गुनासो बढेपछि यथार्थ बुझ्नलाई पनि आफै परिक्षामा सहभागी भएको प्रजिअ दाहलको भनाई छ ।
ट्रायल परिक्षा दिने क्रममा प्रजिअ दाहाल एट चिन्ह कटाउन असफल भएका थिए । अनुत्तीर्ण भए पनि १५ दिनपछि पुनःट्रायल परीक्षा दिने प्रजिअ दाहालले प्रतिक्रया दिएका छन् ।
