विराटनगर, फागुन ९
प्रदेश १ का मुख्यमन्त्री शेरधन राईविरुद्ध अविश्वासको प्रस्ताव पेश भएको छ । आज बसेको प्रदेशसभाको बैठकमा उक्त प्रस्ताव पेश भएको हो ।
प्रचण्ड–माधव समूहले पुस १२ गते मुख्यमन्त्री राईको विरुद्ध अविश्वासको प्रस्ताव दर्ता गरेको थियो । कानुनी रुपमा पार्टी नफुटेको भन्दै ओली पक्षले सदनमा अवरोध सिर्जना गरिरहेका थिए ।
तर आज बसेको बैठकले अविश्वासको प्रस्ताव पारित गरेको छ । प्रचण्ड माधव समूहका सासंद ईन्द्र आङ्बोले सो प्रस्ताव पेश गरेका थिए । सो बैठकमा ओली समूहका सासंदहरुले उपस्थिती जनाएनन् ।
प्रदेशसभाको अर्को बैठक फागुन २० गते दिउँसो १ बजे तोकिएको छ ।
