शिक्षकहरुको जिल्लान्तर सरूवा खुल्ला

विराटनगर, फागुन १७
गत पुस २० गतेदेखि रोकिएको शिक्षकहरुको जिल्लान्तर सरूवा खुल्ला भएको छ । आइतबार शिक्षा तथा मानव स्रोत विकास केन्द्रले सूचना जारी गरी एक जिल्लाबाट अर्को जिल्लामा सरुवा हुन बाटो खुला गरेको हो ।
जिल्लान्तर सरूवाका लागि सरूवा हुने स्थानीय तह तथा जिल्लाभित्रकै एक स्थानीय तहबाट अर्को स्थानीय तहमा सरूवा गर्दा सम्बन्धित स्थानीय तहले दरबन्दी मिलानको कार्य सम्पन्न गरेको हुन् पर्ने छ । उक्त प्रतिवेदन प्राप्त भएपछि मात्र सरूवा गर्न सक्ने व्यवस्था केन्द्रको सूचनामा उल्लेख रहेको छ ।
जिल्लान्तर सरुवा भई आउने शिक्षकहरुको विवरण शिक्षा विकास तथा समन्वय इकाइले १५÷१५ दिनमा केन्द्रमा अनिवार्य पेश गर्नुपर्ने छ ।