चितवन, श्रावण २६
मृत भनी खाल्डोमा पुर्न लागीसकेको एक जुम्ल्याहा शिशु एकाएक चल्मलाएपछि ति शिशुलाई पुनः अस्पताल भर्ती गरिएको छ । सँगै मृत्यु भएको भनि दफन गरिसकेको जुम्ल्याहा मध्ये अर्को शिशुलाई पनि पुनः उत्खनन गरी प्रहरीले परीक्षणका लागि भरतपुर अस्पताल पु¥याएको छ ।
यो घटना चितवनको हो ।
चितवन चनौलीकी एक महिलाले केहि समयअघि चितवन मेडिकल कलेजमा जुम्ल्याहा शिशु जन्म दिएकी थिइन् । प्रहरीका अनुसार जन्मिएका शिशुमध्ये एकको मृत्यु भएको र अर्को एक जीवित रहेको अस्पतालले घोषणा गरेको थियो । अस्पतालबाट डिस्चार्ज भई घर पुगेपछि अर्को शिशु पनि मृत्यु भयो भनी परिवारजनले अन्त्येष्टिका लागी देवघाट पु¥याएको थियो ।
परिवारजनका अनुसार खाल्डोमा राख्ने क्रममा शरिर चल्मलाएपछि शिशुलाई पुनः चितवन मेडिकल कलेज अस्पताल फर्काइएको हो । उक्त घटना शङ्कास्पद भएको भन्दै प्रहरीले दफन गरिसकेको अर्को शिशु पनि उत्खनन गरी परीक्षणका लागी पठाएको थियो ।
परिवार सदस्यबाटै उक्त घटना घटाईएको हुन सक्ने प्रहरीको शंका छ । हाल शिशुका बुवा, फुपू दिदी र थप एकजनालाई प्रहरीले नियन्त्रणमा लिई उक्त विषय अनुसन्धान गरिरहेको छ ।
