०६ मंसिर २०८३, शनिबार
21-11-2026 , Sat
Gold Silver Price (Mangsir 1, 2083, TUE)
Fine Gold 1 Tola NRs. 267500
Silver 1 Tola Nrs. 3505

बालाजु बाइपास सडक भ्रम र यथार्थ : सार्वजनिक जग्गामा आँशुको व्यापार

Logo
✍ बटुकराज गिरि

काठमाडौं , चैत्र ३
सरल रेखामा विकासका गतिविधि हुनु र सडक कालोपत्रे हुनु सामान्य नै हो । दैनिक सयौं किलोमिटरका दरले देशभर देशभरका सडक कालोपत्रे भइरहेकै छन् । नेपाल सरकारले भौतिक पूर्वाधार मन्त्रालय र सहरी विकास मन्त्रालय मार्फत् समृद्धिको यात्रामा सडकलाई व्यवस्थित पारिरहेकै छ ।
तर काठमाडौंको बालाजु बाइपासको सडकको व्यथा अलिक फरक थियो । अन्ततः जनताको जित भएको छ । काठमाडौंको उत्तरी क्षेत्रको विकासको सुनौलो ढोका सुन्दर बनेको छ भने केरुङ नाका प्रस्थानविन्दु अब सफा र फराकीलो बनेको छ । २०६९ सालदेखि नै बालाजुको बाइपास सडकमा स्वार्थ समूहको अनावश्यक प्रवेशले गिजोलिएको थियो ।
तत्कालिन प्रधानमन्त्री बाबुराम भट्टराईको सडक विस्तार योजना अन्तरगत बाइपासमा काम भएको थियो । २०७० देखि २०७२ सालसम्ममा त्यहाँका लालपुर्जा भएका चारसहित सार्वजनिक जग्गामा समेत निर्माणाधिन अस्थायी संरचनाहरु क्षतिपुर्तिसहित हटाएर निर्माण थालिएपनि पछिल्लो समय अभियान्ताका नाममा नारायण वाग्लेसमेतले राजनीतिकरणको प्रयास गरेका थिए ।
अदालतको स्टे अर्डर भन्ने बाहेक अभियान्तासँग कुनै दशी प्रमाण नै थिएन । २०७६ साउन १३ गतेको सम्मानित सर्वोच्च अदालतको आदेशबारे अभियान्ताहरु बेखबर बन्ने र २०७२ को स्टे अर्डरको घोकान लगाउनेहरुलाई अब बाइपास सडकको सुन्दर मुहारले कुरीकुरी भनिरहेको छ । बालाजुमा ४÷५ वटा घर भएकाहरु र दश रोपनी जग्गासमेत भएकाहरु पनि सुकुम्बासी भएँ भन्दै कराउँदै हिड्ने र सामाजिक सञ्जाल र केही मिडियामा रोइलो गरेर हिड्नेहरुबारे स्थानीय चिरपरिचित छन् । सुकुम्बासी भएँ भन्नेहरुको महलले उनीहरुलाई नै गिज्याईरहेको होला सयद यतीबेला ।
अभियानका नाममा आफ्ना स्वार्थ पूर्तिका लागि स्थानीयको अवमुल्यन गर्ने र बिकास रोक्न खोज्नेका विरुद्ध बालाजु बाइपासबासी र उत्तरी क्षेत्रका सबै सर्वसाधारण जागरुक भएका थिए, र छन् पनि । सामाजिक सद्भाव भड्काउने र सदिऔंदेखि बस्दै आएकाहरुको हुर्मत लिन खोज्नेका विरुद्ध बाइपासबासी सधैं एक भएर उत्रिएका थिए । सार्वजनिक सम्पतिको अपचलन गर्न खोज्नेहरुको असफल प्रयासका विरुद्ध स्थानीय एकजुट भएसँगै सडक कालोपत्रे भएको छ । बाहिरबाट झिकाइएकाहरुको एकैछिनको रमाइलो स्थानीयका लागि सैह्य हुने कुरै भएन । अझ पीडित भनिएका केही व्यक्तिहरुसमेत कथित अभियान्ताको जालोमा नराम्रोसँग फस्न पुगे । आफ्नै दाजुभाइका विरुद्ध बाहिरका मान्छे ल्याएर गरिएको रोइलो नै उनीहरुका लागि भारी सावित भएको छ ।
अभियान्ताको निश्चित योजना र स्वार्थमा फसेर गरिएको रोइलोले अब कुनै समाधान दिन सक्दैन । स्थानियबीच झगडा गराउन खोज्नेहरुले अब के पीडित भनिएकाहरुलाई सधैं बोकेर हिड्लान् त ? अन्यत्र सरकारी सम्पती र जमिन संरक्षण भएन भन्दै कराउने अभियान्ताहरुले बाइपासमा चाँही किन सरकारी सम्पती संरक्षणको विरोध गरिरहेका हुन् कुन्नी ? बाइपासमा आएर सार्वजनिक सम्पतीमा किला गाड्ने र बाइपासलाई मसानघाट बनाउन खोज्नेहरुको पराजय भएको छ । अझ विकास रोक्न अन्य विषयसँग समेत यो सडकलाई जोड्न खोजिएको थियो । बाहिरी दुनियाँले त सुन्ने मात्र हो, व्यावहार र भोगाइ त स्थानीय सँगै छ ।
बिभिन्न स्थानबाट झिकाइएका मानिसहरुको जालोमा फसेर केहि मिडीयाले समेत भ्रम र आँसुको व्यापार राम्रै सँग गरे । व्यापार गरेपछि त उनीहरुलाई नाफै भयो होला, तर उनीहरुको विश्वसनीयता त शुन्य भयो स्थानीयका लागी । सार्वजनिक जग्गा अतिक्रमण गरेर टहरा निर्माण र स्तरोन्नतीसँग घर बनाउन पुगेकाहरुलाई अब राज्यले कारबाही गर्न जरुरी छ ।
स्थानीयलाई निरन्तर तनाब दिन खोज्ने र सद्भाव भड्काउन खोज्ने कथित अभियान्ता र केही मिडीयालाई स्थानियकको नाममा अभियानको व्यापारीकरण बन्द गर्नु जरुरी देखिन्छ । घर जग्गाको लालपुर्जा र कित्ता नम्मरसहित बिकासका पक्षमा उभिएका स्थानियहरु सडक निर्माण होस भन्ने चहान्छन ।
बालाजुको उत्तरी क्षेत्रका स्थानिय बिगत ७÷८ वर्षदेखि रोकिएको सडक निर्माण सम्पन्न हुँदा अत्यन्तै हर्षित भएका छन् ।
स्थानीयको भनाई छ “बाइपास हाम्रो हो । यसलाई अझै सुन्दर बनाउँदै उत्तरी क्षेत्रको नमुना बनाउँछौं । अझै धेरै काम बाँकी छन् । कालिमाटीतिरका धुर्तहरुले बुझुन् । हामी मिडियाकर्मीलाई पनि विनम्रतापुर्वक अनुरोध गर्दछौं कि हाम्रो बाइपासका विषयमा बाहिरकासँग कुराकानी गरेर समाचार सम्प्रेषण बन्द गर्नुहोला । सबै सुचना र प्रमाण दिन हामी तयार छौं ।”

कमेन्ट गर्नुहोस्
सम्बन्धित

१ मंसिर, काठमाडौं । प्रहरी महानिरीक्षकको जिम्मेवारीबाट हटाइएका दानबहादुर कार्कीले सर्वोच्च अदालतमा दायर गरेको रिट निवेदनमाथि बुधबार प्रारम्भिक सुनुवाइ हुने भएको छ । कार्कीले २० कात्तिकमा निवेदन दर्ता गरेका थिए । अदालतले तिहार बिदापछि ३० कात्तिकका लागि सुनुवाइको मिति तोकेको भए पनि सरकारले सोही दिन छठको सार्वजनिक बिदा दिएकाले मुद्दा स्वतः सरेको थियो । तिहार […]

काठमाडाै‌, कार्तिक २४ ।  नेपाल संवत् ११४७ आज देशभर विविध कार्यक्रमसहित मनाइँदै छ। नेवार समुदायले यस दिनलाई नयाँ वर्षका रूपमा मनाउँदै म्हः (आत्म) पूजा पनि गरिरहेका छन्। काठमाडौंको वसन्तपुरमा नेवार समुदायका मानिस भेला भई बाजागाजासहित पर्व मनाएका छन्। इतिहासअनुसार राष्ट्रिय विभूति शङ्खधर साख्वाले विसं ९३७ (इसं ८८०) मा गरिब जनताको ऋण मोचन गरेपछि नेपाल संवत् […]

काठमाडाै‌, कार्तिक २४ । राष्ट्रिय स्वतन्त्र पार्टी (रास्वपा) का उपसभापति तथा अर्थमन्त्री डा. स्वर्णिम वाग्ले अमेरिकी पत्रिका टाइमको १०० प्रभावशाली व्यक्तिको सूचीमा परेपछि पार्टीले उनलाई बधाई दिएको छ। महामन्त्री विपिनकुमार आचार्यले जारी गरेको विज्ञप्तिमा जलवायु वित्त परिचालन, स्रोत व्यवस्थापन र अन्तर्राष्ट्रिय प्रणालीगत सुधारमा वाग्लेले देखाएको नेतृत्वलाई नेपालका लागि महत्त्वपूर्ण भनिएको छ। विज्ञप्तिअनुसार रसुवा/भोटेकोशी बाढीपछि वाग्लेको […]