काठमाडौं, चैत ०७
पत्रकार तथा संचारमाध्यमको मानमर्दन हुनेगरी समाजिक संजालमा आएका अभिव्यक्ति प्रति जनचर्चा डट कमको ध्यानाकर्षण भएको छ । यस संचारमाध्यमले प्रकाशन गरेको विभिन्न समाचारहरुमा केही व्यक्ति विषेशले साईबर सेना तथा फेक आईडिको प्रयोग गरी पत्रकार तथा संचारमाध्यमको मानमर्दन हुने खाल्को अभिव्यक्ति कमेन्ट गर्न लागएको संस्थाको ठहर छ ।
समाचार प्रकाशनपछि भएको भण्डारफोरबाट प्रभावित केही व्यक्तिहरुले साईबर सेनाको प्रयोग गरी संचारमाध्यम तथा पत्रकारको बदनाम गर्ने काम गरिरहेको संस्थाको बुझाई छ । अति निकृष्ट भाषा प्रयोग गरी कमेन्टमा गालीगौलौच गर्ने त्यस्ता व्यक्ति उपर कानुनी उपचार खोज्ने संस्थाले निधो समेत गरेको छ ।
संस्थाको मानमर्दन कार्यमा संलग्न रहेका साईबर सेनाको परिचालक पत्ता लगाउन जनचर्चा डटकमले छानविन समिति समेत खडा गरेको छ । उक्त छानविन समितिले गाली–गौलौच गर्ने व्यक्तिको पुर्ण व्यक्तिगत विवरण पत्ता लगाउने र त्यस्तो व्यक्तिको कनेक्सन को को सँग छ भन्ने कुरा पत्ता लगाउने छ ।
जनचार्चा डटकमको अधिकारिक फेसबुक पेजमा पोष्ट भएको समाचार र वेभसाईट भित्रको समाचारको कमेन्ट बक्समा समेत आएका गाली–गौलौचपुर्ण कमेन्टलाई यस संस्थाले प्रमाण स्वरुप स्क्रिनसट गरी राखेको छ । उक्त अपाचनिय कमेन्टहरुको स्क्रिनसर्ट राखी उक्त कमेन्टहरु डिलिट गर्ने संस्थाले निर्णय समेत गरेको छ ।
यस विषयमा खबरदारी जारी रहने छ : जनचर्चा डट कम
