विराटनगर, चैत्र २२
सशस्त्र प्रहरीले भारतबाट तस्करी गरेर ल्याउँदै गरेको अवस्थामा ठूलो मूल्य बराबरको अवैध उपभोग्य सामाग्री बरामद गरेको छ ।
रङ्गेली नगरपालिका–५ आमगाछीस्थित धनाट्टि टोलबाट उपभोग्य सामाग्री र अन्य वस्तु तस्करी गरेर ल्याउँदै गरेको अवस्थामा सशस्त्र प्रहरीले नियन्त्रणमा लिएको हो । सशस्त्र प्रहरीले को १ ख ४४०० नम्बरको मिनी ट्रकमा भारतबाट तस्करी गरी ल्याएको एक दर्जन बोरा चिनी, ६४ बोरा धान, २÷२ बोरा चामल र गुहँ बिलबिजक नभएको अवैध सामान बरामद गरेको हो ।
सशस्त्र प्रहरी बल बीओपी रङ्गेलीका प्रहरी निरीक्षक कमलबहादुर अधिकारी नेतृत्वको टोलीले १६ लाख मूल्य बराबरको अवैध उपभोग्य सामाग्री बरामद गरेको हो । सशस्त्र प्रहरीका अनुसार मोरङको बेलबारीमा किराना पसल सञ्चालन गरेर बसेका भरत साहले तस्करीको सामान ल्याएको जनाएको छ । भरत साह अहिले फरार रहेको समेत प्रहरी जानकारी दिएको छ ।
