विराटनगर , चैत्र २४
विराटनगरमा चैत्र ५ देखि सन्चालन भइरहेको विराट फुटवेयर एक्स्पो विराटनगर महानगरपलीकाले तत्काल बन्द गर्ने आदेश दिएको छ । महानगरका मेयर भिम पराजुली बाटै उत्घाटन भएको उक्त मेलाले महानगरबाट अनुमती नलिएको भन्दै बन्द गर्ने आदेश दिएको छ ।
वैशाख ५ सम्म सन्चालन हुने भनिएको मेला बिचैमा नगरपलीकाले रोकिदिएको पछि मेलाका व्यपारीहरु आक्रोसित भएका छन् । मेला संचालनका लागि महानगरबाट इजाजत नलिएको, कर नतिरेको अनि कोरोना भाईरसको जोखिम देखिने भन्दै महानगरले मेला बन्द गर्ने भनी प्रत्र पठाएको छ । साथै नगरप्रहरीहरूले सर्वसाधारणलाई मेलास्थल प्रवेशमा रोक लगाएका छन् ।
महानगरपालीकाले अचानक गरेको निर्णयले गर्दा आफुहरु हेपीएको व्यापारीहरुले महशुस गरेका छन् । नगरपलीकाले कुनै ठोस कारण नै नदेखाई मेला बन्द गरेको उनीहरुको भनाई छ । व्यापारीहरुले मेला संचालनको लागी सम्बधित वडा सँग अनुमती लीएर मेयरलाई नै उत्घाटनमा बेलाएको बताइएका छन् ।
विराटनगरका मेयर पराजुलीबाट नै उत्घाटन भएको उक्त मेलामा नगरपालीकाले नै अबरोध जनाएपछी व्यपारमा ठूलो असर पुगेको आयोजकले बताएको छ । करीब १ करोड २० लाखको कारेवार भइ सकेको उक्त मेला बन्द गर्दा करिब १ करोडको घाटा लाग्ने आयोजकको ठहर छ ।
महानगरसँग छलफल भइरहेको तर यस विषयमा महानगरले हेपाह प्रवृतीको व्यावहार गरेको व्यापारीहरुले गुनासो गरेका छन् ।
