विराटनगर , बैशाख ०१
आजबाट बिक्रम संवत् २०७८ को नयाँ वर्ष शुरुवात भएको छ । आजको दिन नेपालीहरु एकापसमा शुभकामना आदानप्रदान गरी नयाँ वर्ष मनाइरहेका छन् ।
नयाँ वर्षलाई सफलता प्राप्त गर्न योजना निर्माण एवं संकल्प गर्ने दिनको रुपमा पनि लिने गरिन्छ ।
यस वर्ष पनि कोरोना संक्रमणको जोखिम कायमै रहेकाले सरकारले स्वास्थ्य सुरक्षा सम्बन्धी मापदण्ड पालना गरी नयाँ वर्ष मनाउन सबैलाई अनुरोध गरेको छ ।
आजकाे दिनलाइ सूर्यले मीन राशिको भोग समाप्त गरी मेष राशिबाट भोग सुरु गर्ने दिन, बैशाख सङ्क्रान्ति अर्थात् मेष सङ्क्रान्ति तथा वर्षको जेठो दिन पनि भनिन्छ ।
