विराटनगर, वैशाख २
प्याकेजिङ उद्योगहरु धरासयी भएको भन्दै समस्या समाधानका लागि व्यवसायीहरुले नेपाल उद्योग वाणिज्य महासंघ प्रदेश नं. १ लाई ज्ञापनपत्र बुझाएका छन् ।
विभिन्न उद्योगहरुमा प्याकेजिङका लागि प्रयोग हुने कोरुगेटेड बक्स अर्थात कार्टुन बनाउने उद्योगहरु धरासायी अवस्थामा पुगेको भन्दै व्यवसायीले ज्ञापनपत्र बुझाएका हुन् ।
कार्टुन बनाउन प्रयोग हुने मुल कच्चा पदार्थ पेपर हो र सो कच्चा पदार्थको अभाव तथा आयतित मुल्य बृद्धीको कारण कार्टुन उद्योगहरु संकटमा परेको नेपाल कोरुगेटेड बक्स उत्पादन संघ प्रदेश १ का संयोजक रिसव दाहालले बताए ।
६ महिनाको अवधिमा कच्चा पदार्थ पेपरको मुल्य ९० प्रतिशतसम्म बढेको छ । भारतमा समेत अत्याधिक मुल्य वृद्धि भएको कारण भारत बाट पेपर आयात गर्न नसकिने अवस्था सिर्जना भएको भन्र्दै तत्काल समस्याको समाधान खोजिदिनसंयोजक दाहालले आग्रह गरेका छन् ।
पेपर बनाउन प्रयोग हुने वेस्टेज पेपर तथा पुराना कार्टुनहरु चोरी बाटोबाट भारत तर्फ निर्यात हुन थालेपछी पेपर बनाउने पेपर मिलहरु पनी कृत्रिम अभावको चपेटमा परेका छन् । जसका कारण अस्वस्थ प्रतिस्पर्धाका बढीरहेको छ भने ५० प्रतिशत उद्योग बन्द हुने अवस्थामा पुगेको ज्ञापन पत्रमा उल्लेख छ ।
प्रदेश १ मा रहेका २१ वटा उद्योगका संचालकहरुले संघमार्फत नेपाल उद्योग परिसंघ प्रदेश १का अध्यक्ष भिम घिमिरेलाई समस्या समाधानका लागी पहल गर्न अनुरोध गरेका छन् । परिसंघका अध्यक्ष घिमिरेले तत्काल समस्या समाधानका लागि आफु गम्भिर भएर अगाडि बढ्ने व्यवसायीलाई आश्वस्त बनाएको समेत संघले जनाकारी गराएको छ ।
