चैत २७, विराटनगर
युवा अवस्थामा समाजिक कार्य गर्दै उदाएका विराटनगर ८ का राम पोखरेल अहिले नेकपा एमालेबाट वडाअध्यक्षको प्रमुख दावेदार देखिएका छन् । विद्यार्थी हुँदादेखि नै सामाजिक कार्यमा अग्रसर हुँदै आएका राम गएको कोरोना महामारीका बेला प्राय सबैको घरघरमा पुगेका थिए ।
नेकपा एमाले नेतृत्वको प्रदेश सरकारका समाजिक विकास मन्त्री जीवन घिमिरेको स्वकीय सचिव रहेका पोखरेल कोरोना भाइरसको महामारीका बेला वडा मात्र नभइ प्रदेशभरीका जनताको सेवामा अग्रसर थिए । कोरोना संक्रमितको मृत्यु भएपछि शव व्यवस्थापन होस वा संक्रमितको औषधि उपचारको लागि प्राय सबैले रामलाई नै खोज्ने गर्दथे ।
त्यही कारण पनि उनी सबैको नजरमा प्रिय छन् । नेकपा एमाले वडा नम्बर ८ का अध्यक्ष समेत रहेका पोखरेलले संगठनलाई मजबुद बनाउन दिनरात खटेको कारण अहिले वडा जित्नेमा उनी ढुक्क रहेका छन् । जस्तो सुकै समस्या पर्दा दिन रात नभनि सेवामा अग्रसर हुने रामको पक्षमा जनमत समेत रहेको स्थानीय नेताहरु समेत बताउँछन् ।
वडाध्यक्षमा टिकट पाए विकासमा पछि परेको वडा नम्बर ८ लाई धार्मिक पर्यटकीय क्षेत्र बनाउने पोखरेलको योजना रहेको छ । जनताको घरदैलोमा पुग्दा स्थानीयले देखाएको सद्भावले अझ हौसला बढ्दै गएको उनी बताउँछन् ।
पोखरेल भन्छन् ‘अहिले यहाँका जनताले भिजन भएको काम गर्नेे युवा खाजेका छन्’ उनले थपे ‘मैले काम गरेको वडावासीले देख्नु भएको छ, मैले राखेका एजेण्डाहरु वहाँले मन पराउनु भएको छ, अब केबल पार्टिले मौका दिनुपर्यो’
पार्टिले टिकट दिए पनि नदिए पनि वडावासीको सेवामा सदैव लागी राख्ने पोखरेलले वताउदै आएका छन् ।
