✍ निरज बस्नेत
विराटनगर, वैशाख १७
विराटनगरमा पार्टीगत भन्दा पनि स्वतन्त्र उम्मेदवारको लोकप्रियता बढ्दै गएको पाईएको छ । यहाँ विभिन्न पार्टी बाट खडा भएका उम्मेदवारहरुलाई पार्टी भित्रैका गुट उपगुटले सिध्याउने रणनिति बनाईरहेका छन् । तर, स्वतन्त्र उम्मेदवारको हकमा भने कुनै गुट उपगुटको वाधाव्यवधान छैन र आम विराटनगरवासी समेत सकारात्मक छन् ।
जनता समाजवादी पार्टी परित्याग गरी स्वतन्त्रमा उम्मेदवारी दिएका उमेश यादवको सरलपना आम मतदाताले रुचाएका छन् । यादवको सादगी जिवनशैली र छिट्टै घुलमिल हुने बानीलाई विराटनगरवासीले मनपराएका छन् ।
यादवको चुनावी एजेण्डा व्यवहारमा लागु हुने खालको छ, महात्वकांक्षी छैन । शिक्षा, स्वस्था र सरसफाईमा अग्रगामी छलाङ मार्ने उनको योजना छ ।
त्यस्तै गरी माओवादी केन्द्र परित्याग गरी स्वतन्त्रबाट नै उपमेयरको उम्मेदवारी दिएकी नमिता न्यौपानेको पल्ला भारी बन्दैछ । जसपाका अमरेन्द्र यादव एवं एमालेकी शिल्पा कार्कीको पनि उपमेयरमा दावेदारी छ । कार्कीले एमालेबाट टिकट पाएपनि लाभको पद ओगटेका कारण उनी विवादमा मुछिएकी छिन् । यसैलाई लिएर जसपाका उपमेयरका दावेदार अमरेन्द्र यादवले काठमाडौं जिल्ला अदालतमा सोमबार मुद्दा दर्ता समेत गर्दैछन् ।
यता उपेन्द्र यादवको छोरा भएकै कारण विरासतबाट अमरेन्द्रले टिकट पाएको भन्दै जसपाका आम कार्यकर्ता रुष्ट बनेका छन् । यस्ता यस्ता विवादित फण्डाले अन्ततः नमितालाई जितको तर्फ डोर्याउदैछ ।
स्वतन्त्रकी उम्मेदवार न्यौपानेमा आफैमा पनि कानुन विषयमा दख्खल राख्ने व्यक्ति भएकीले समेत जनप्रतिनिधिका रुपमा समाजलाई न्याय गर्न उनी सक्षम छिन् ।
आम जनताले पछिल्लो समय नेतृत्वमा नयाँ अनुहार खोज्दै आएका छन् । स्वतन्त्र उम्मेदवार यादव र न्यौपाने दुवै नयाँ र लोकप्रिय अनुहार भएकाले उनीहरुको जित निश्चित भएको आम नगरवासीको बुझाई छ ।
