विराटनगर, असार ९
निरज बस्नेत
मोरङको पूर्व उत्तरतर्फ रहेको ग्रामथान गाउँपालिकामा मनपर्दी भएको छ । नेपाली कांग्रेसबाट निर्वाचित गाउँपालिका अध्यक्षको छोराको कुकृत्यलाई ढाकछोप पारिएको छ । प्रदेश१ को१झ ५७८ नं. को सरकारी गाडीमा पालिका अध्यक्ष जयप्रकाश गच्छदारका एक्ला छोरा ज्योती गच्छदारले तोडफोड गरेका छन् ।
मंगलवारको यस घटनालाई बुधवार सर्वपक्षीय छलफल राखेर माफी दिईएको छ । गाउँपालिकाको बजेट निर्माणलगायतका विषयमा एमालेबाट निर्वाचित जनप्रतिनिधिलाई जिम्मेवारी दिईएको रिसको झोकमा ज्योतीले सरकारी गाडीमा क्षति पुर्याएका थिए ।
गर्ने बेलामा मनलाग्दी गर्ने अनि माफी दिने यो गलत परिपाटीले भोलीका दिनमा आम गाउँपालिकावासीले निर्वाचित जनप्रतिधिबाट खै के पो आशा गर्ने ?
