विराटनगर, भदौ ४
शनिवार अपराह्न ४ बजे विराटनगरको तीनपैनीस्थित राधाकृष्ण मन्दिरबाट युगल जोडी राधाकृष्ण सवार रथ निकालिँदै छ । कोभिडका कारण अघिल्लो दुई वर्ष रथ यात्रा रोकिएको थियो । आयोजकका अनुसार कोभिडको जोखिम कायमै रहेकाले यस पटकको ५४औं रथयात्रा झाँकीरहित हुने छ ।
सुरक्षाको लागी नेपाल प्रहरीका ९ सय सुरक्षाकर्मी खटाईएको छ । यात्रामा हुने सक्ने सम्भावित चोरी तथा लुटपाटको र अपराधिक घटनालाई न्युनिकरण गर्न सादा पोसाकमा समेत प्रहरी खाईएको छ ।
राधाकृष्ण मन्दिर परिसरबाट सुरु हुने रथ मुख्य बजार परिक्रमा गरी पुनः मन्दिरमै आएर अन्त्य हुने बताईएको छ । मन्दिरबाट निकालिने रथ ट्राफिक चोक–रोडशेष हुँदै महेन्द्र चोक–बरगाछीबाट घुमाइने समेत जानकारी प्राप्त भएको छ ।
उक्त रथयात्रा विराटनगरमा वि.स. १९८८ सालमा ‘खट’ यात्राको रूपमा निकालिदै आएको थियो । वि.स. २०२५ सालदेखि खटलाई रथमा परिणत गरि प्रत्येक वर्ष रथयात्रा निकालिँदै आइएको छ । यो रथयात्रा दक्षिण एसियाकै दोस्रो ऐतिहासिक रथयात्रा मानिन्छ तर सोे रथयात्रा अहिलेसम्म एसियाकै दोस्रो ठुलो हो वा होईन भन्ने विषयमा हालसल कुनै अनुसन्धान गरिएको छैन् । भारतको ओडियाबाट निकालिने जगननाथ रथ यात्रालाई साउथ एसियाको सबै भन्दा ठुलो रथयात्रा मानिन्छ ।
