कटहरी, भदौ १०
यहाँ गाँउपालिकाको थलाहा गाँउमा रहेको स्वास्थ चौकीमा ५० लाखको लगानीमा मेडिकल ल्याब संचालन गरिएको छ । सोमबार गाँपाका अध्यक्ष देवनारायण चौधरी , यँहाकै प्रमुख प्रशासकिय अधिकृत रोहिणी आचार्य, कार्यपालिका सदस्य श्यम मण्डल र जीतनारायण सरदार लगाएतले रगत गरिक्षण गराएर सेवा शुभारम्भ गरेका थिए ।
गाँउमै ल्याब संचालनमा आएपछि स्थानीवासीहरुले स्वस्थ्य परिक्षणको लागी अन्यन्त्र धाउनुपर्ने बाध्यताको अन्त्य भएको छ ।
यँहा ल्याब नहुँदा स्थानीहरु समान्य स्वास्थ्य परिक्षण गराउन पनि विराटनगर, रंगली वा अन्यन्त्रै धाउनु पर्ने बाध्यता थियो । गाँउपालिका अध्यक्ष चाैधरीले भने “हामीले न्युनत्तम शुल्क लिएर कटहरीबासीका लागी गाँउमै ल्याब सेवा संचालनमा ल्याएका छौ, अब स्थानीयहरुले चर्को मुल्य तिरी शहरमा गएर स्वास्थ्य परिक्षण गराउने बाध्यताको अन्त्य भएको छ ।”
ल्याब संचालनमा आएपछि थलाहा स्वास्थ्य चौकीले ५० विभिन्न प्रकारका परिक्षण गर्न सक्ने बताईएको छ । ल्याब महिलालाई सतप्रतिशत र ५ वर्षभन्दा मुनिका वालबालिका र ज्येष्ठ नागरिकलाई ७० प्रतिशत छुटमा सेवा प्रदान गरिने प्रमुख प्रशासकिय अधिकृत आचार्यले जानकारी दिए ।
