०६ मंसिर २०८३, शनिबार
21-11-2026 , Sat
Gold Silver Price (Mangsir 1, 2083, TUE)
Fine Gold 1 Tola NRs. 267500
Silver 1 Tola Nrs. 3505

एक्स्पो जुधाउने षड्यन्त्र छताछुल्ल

Logo


विराटनगर, माघ २८

उद्योग संगठन मोरङकाे नेतृत्वले सिएनआई–एक्स्पोसँग जुध्‌ने गरी विराट–एक्स्पो आयोजना गर्ने तयारी गरिरहेको खुल्नमा आएको छ । सिएनआई–एक्स्पो २०२३को आयोजक नेपाल उद्योग परिसंघ, प्रदेश १ले सोमबार विराटनगरमा पत्रकार सम्मेलन गरी एक्स्पो जुधाउने षड्यन्त्रबारे भण्डाफोर गरेको छ ।

सम्मेलनमा परिसंघले माघ १९ गतेबाट सिएनआई–एक्स्पो शुरु गर्ने जानकारी दिएको छ । यता सिएनआईले खुलेआम पत्रकार सम्मेलन गरी एक्स्पोको मिति घोषणा गरिरहदाँ उता उद्योग संगठन मोरङले केही संचारमाध्यममार्फत माघ २६ गतेबाट विराट–एक्स्पो गराउने तयारी गरेकोबारे जानकारी गराएको छ ।

प्राप्त जानकारी अनुसार सिएनआई–एक्स्पो माघ १९ गते देखि २८ गते सम्म हुनेछ । उता उद्योग संगठनले मिति जुध्‌ने गरी माघ २६ गतेदेखि फागुन ०३ गतेसम्म विराट–एक्स्पो गराउने तयारी गरी रहेको बुझ्नमा आएको छ । यसोहुँदा दुवै एक्स्पो माघ २६, २७ र २८मा जुध्ने छन् ।

विराट एक्स्पो २०२३ गराउने जिम्मेवारी उद्योग संगठन मोरङका वर्तमान अध्यक्ष सुयश प्याकुरेलको काँधमा छ । त्यसैगरी विराटनगरमा पहिलो पल्ट हुन लागेको सिएनआई एक्स्पो आयोजना गर्ने जिम्मेवारी परिसंघका प्रदेश १का अध्यक्ष भिम घिमिरेको काँधमा छ । घिमिरे उद्योग संगठन मोरङका निवर्तमान अध्यक्ष समेत हुन् ।

संगठनको निर्वतमान अध्यक्ष रहदाँ पनि विराट एक्स्पो गराउने निर्णयको बारे आफुलाई जानकारी नदिएकोले एक्स्पो जुध्‌न पुगेको घिमिरेको भनाई छ ।  सिएनआई एक्स्पो २०२३ आयोजना गर्ने निर्णय तथा स्वीकृति लिने काम समेत भईसकेकाले अब मिति हेरफेर गर्न नसकिने घिमिरेले प्रष्ट पारेका छन् । उता उद्योग संगठन मोरङका कार्यकारी निर्देशक चुँडामणि भट्टराईले निवर्तमान अध्यक्ष घिमिरेलाई विराट एक्स्पो गराउने विषयमा जनकारी भए/नभएको आफुलाई थाहा नभएको बताएका छन् । “हामी (उद्योग संगठन मोरङ) विराट एक्स्पोको गर्ने तयारी गरिरहेका छौं , अरुअरु के के गर्ने तयारी गरिरहेका छन् यो हाम्रो चासोको विषय होइन” भट्टराईले भने ।

दुवै एक्स्पोलाई अन्तराष्ट्रिय एक्स्पोको भनिएको छ । सिएनआई एक्स्पो विराटनगरको विराट नर्सिङ होम देखि पुर्वपट्टि रहेको शंखरपुर खेलमैदानमा आयोजना गरिने छ भने विराट–एक्स्पो दुधफारम नजिकरहेको औधषी व्यवास्था विभाग आसपासको खाली चौरमा गरिने बुझनमा आएको छ ।

कमेन्ट गर्नुहोस्
सम्बन्धित

१ मंसिर, काठमाडौं । प्रहरी महानिरीक्षकको जिम्मेवारीबाट हटाइएका दानबहादुर कार्कीले सर्वोच्च अदालतमा दायर गरेको रिट निवेदनमाथि बुधबार प्रारम्भिक सुनुवाइ हुने भएको छ । कार्कीले २० कात्तिकमा निवेदन दर्ता गरेका थिए । अदालतले तिहार बिदापछि ३० कात्तिकका लागि सुनुवाइको मिति तोकेको भए पनि सरकारले सोही दिन छठको सार्वजनिक बिदा दिएकाले मुद्दा स्वतः सरेको थियो । तिहार […]

काठमाडाै‌, कार्तिक २४ ।  नेपाल संवत् ११४७ आज देशभर विविध कार्यक्रमसहित मनाइँदै छ। नेवार समुदायले यस दिनलाई नयाँ वर्षका रूपमा मनाउँदै म्हः (आत्म) पूजा पनि गरिरहेका छन्। काठमाडौंको वसन्तपुरमा नेवार समुदायका मानिस भेला भई बाजागाजासहित पर्व मनाएका छन्। इतिहासअनुसार राष्ट्रिय विभूति शङ्खधर साख्वाले विसं ९३७ (इसं ८८०) मा गरिब जनताको ऋण मोचन गरेपछि नेपाल संवत् […]

काठमाडाै‌, कार्तिक २४ । राष्ट्रिय स्वतन्त्र पार्टी (रास्वपा) का उपसभापति तथा अर्थमन्त्री डा. स्वर्णिम वाग्ले अमेरिकी पत्रिका टाइमको १०० प्रभावशाली व्यक्तिको सूचीमा परेपछि पार्टीले उनलाई बधाई दिएको छ। महामन्त्री विपिनकुमार आचार्यले जारी गरेको विज्ञप्तिमा जलवायु वित्त परिचालन, स्रोत व्यवस्थापन र अन्तर्राष्ट्रिय प्रणालीगत सुधारमा वाग्लेले देखाएको नेतृत्वलाई नेपालका लागि महत्त्वपूर्ण भनिएको छ। विज्ञप्तिअनुसार रसुवा/भोटेकोशी बाढीपछि वाग्लेको […]