सुनसरी, श्रावण ३२
सुनसरी प्राविधिक कलेजको परीक्षामा अनियमितता भएको पार्ईएको छ । सीटीईभीटी अन्तर्गत सञ्चालित तीन वर्षे ‘डिप्लोमा इन फार्मेसी’को पहिलो वर्षर्को परिक्षामा उत्तर पुस्तिका फेरीएको पाईएपछि अनियमिता भएको खुल्न आएको हो ।
उक्त कोर्स अन्र्गतको भौतिकशास्त्र विषयको परीक्षामा उत्तर पुस्तिका फेरिएको पाइएपछि प्रहरीले ११ जना विद्यार्थीलाई पक्राउ गरेको छ । पक्राउ पर्नेमा एक पुरुषसहित १० जना महिला रहेको इलाका प्रहरी कार्यालय, धरानका डीएसपी ढुण्डिराज न्यौपानेकाले जनाकारी दिएका छन् ।
अनुसन्धान क्रममा, सुनसरी कलेजका अध्यक्ष लेखिराज लिम्बुका पी.ए. बताउने किरणराज भण्डारीको संलग्नतामा उत्तर पुस्तिका साटिएको खुल्न आएको छ । पक्राउ परेका एक विद्यार्थी दिएको बयानका अनुसार भण्डारीले प्रति विद्यार्थी २५ हजार रुपैया लिएर उत्तर पुस्तिका मिलाइने डिल गरेका थिए ।
भण्डरीको संलग्ता खुलेपछि उनलाई पक्राउ गर्न जिल्ला अदालत, सुनसरीबाट पक्राउ पूर्जी समेत जारी भईसकेको छ । तर भण्डारी भने अहिले फरार छन् ।
सुनसरी प्राविधिक कलेजको परीक्षा केन्द्र धरान–१९ स्थित किरातेश्वर माविमा रहेका छ । साउन १७ गते सुरु भएको फार्मेसीको परीक्षा भदौ २२ मा सकिनेछ ।
