विराटनगर, असोज ११
निरज बस्नेत
विराटनगरमा जारी विराट राजवंशी महोत्सवमा आज विराटनगरका गायक सुमित खड्काको प्रस्तुति रहने आयोजक संस्था विराट राजवंशी प्रगतिशिल विकास समाज समितिका अध्यक्ष किरण राजवंशीले जानकारी दिएका छन् ।त्यस्तैगरी अर्का गायक वल वहादुर राजवंशीको प्रस्तुति सँगसगै हुने छ ।
हिजो दिनको ३ वजेवाट उद्घाटन भएको महोत्सवमा आज साँझमा सांगितिक माहौल तातिदैंछ । यसका अलावा अन्य गीत–संगितका धमाकेदार कार्यक्रमले दर्शकलाई राम्रै मनोरन्जन दिने कुराको जानकारी प्रमुख व्यवस्थापक नारायण अधिकारीले बताएँ ।
महोत्सवका आकर्षणका रुपमा रोटे पिङ, ड्राईगन रेल, कोलम्वस नाउँ, वाल उधान, लगायत रहेको व्यवस्थापक गौरी लिम्वू बताउँछन् । विभिन्न किसिमका स्टलहरु, खानाका स्टलहरु, समेत छन् । ६० वटा स्टलको साथमा महोत्सव पूरै पारिवारिक छ । दशैंको यो रमाईलो वेलामा जोकोही विराट महोत्सवमा गई मज्जाले रमाईलो गर्न सक्दछन् ।
