विराटनगर, कार्तिक १८
निरज बस्नेत
मानवताका लागि भनेर विराटनगरमा नेपथ्य लाइभ कन्सर्ट आगामी मंसीर १६ गते हुने भएको छ ।
विगत १ दशकदेखी सडकपेटी तथा सार्वजनिक स्थलमा भेटिएका सहयोगापेक्षी सडकआश्रित मानवहरुको उद्दार गर्दे आईरहेको मानवसेवा आश्रमले मानवीयताको अभियानलाई थप प्रभावकारी बनाउन नेपथ्य ब्याण्डसँगको सहकार्यमा कन्सर्ट गर्न लागेको हो । यो कन्सर्ट विराटनगरबाट शुरु भई एक महिने लामो हुनेछ ।
तत्पश्चात् अन्य ९ शहरहरुमा हुनेछ । मानवता प्रवद्र्दनसँगै मानव सेवा आश्रम विराटनगर शाखाले बरगाछीमा आफ्नै भवन बनाईरहेको छ । यही भवन सम्पन्न गर्नकै लागि भनेर नेपथ्यसँग मिलेर आश्रमले सांगितिक कार्यक्रम आयोजना विराटनगरमा गर्न लागेको हो । नेपथ्य लाइभ कन्सर्टले धेरै मानिसहरुलाई सेवा प्रदान गरिरहेको देखिन्छ ।
मंसीर १९ गते वीरगन्ज, २२ गते हेटौंडा, २५ गते भरतपुर, २९ गते नेपालगंज, पौष ३ गते धनगढी, ६ गते सुर्खेत, ९ गते बुटवल, १२ गते पोखरा, र अन्तमा पौष १६ मा काठमाडौंमा गएर कार्यक्रमले विश्राम लिने छ ।
