विराटनगर, कार्तिक ३०
निरज बस्नेत
नेपाल सरकारले आसन्न मंसीर–४ को चुनावलाई लक्षित गर्दे ४ दिन विदा दिने निर्णय गरेको छ । मंसीर २, ३, ४, र ५ गते शिक्षण संस्था बन्द रहनेछन् । मंसीर ४ र ५ गते भने दुई दिन सार्वजनिक विदा नै हुने भएको छ ।
प्रतिनिधि सभा र प्रदेश सभाको निर्वाचन एकैचरणमा यही मंसीर–४ गते आईतवार हुदैछ । निर्वाचनको सम्पूर्ण तयारी लगभग निर्वाचन आयोगले पूरा गरेको जनाएको छ । प्रधानमन्त्री शेर बहादुर देउवा एवं गृहमन्त्री बालकृष्ण खाँणले मंसीर–४ को निर्वाच भयरहित वातावरणमा सम्पन्न हुने यसअघि नै बताईसकेका छन् ।
उम्मेदवारलाई आफ्नो पक्षमा चुनावी प्रचार–प्रसार गर्न यतिवेला भ्याई न भ्याई छ । यसैगरी आ–आफ्ना दलका कार्यकर्तालाई समेत निर्वाचनको माहौलले तताएकै छ ।
मंसीर–१ गते राती १२ बजेसम्म चुनावी प्रचार–प्रसार गर्न पाइने निर्वाचन आयोगले जनाएको छ । मंसीर–१ गते राती १२ बजे पश्चात् मौन अवधी शुरु हुनेछ । ४८ घण्टे मौन अवधीमा नै आर्थिक हिसावले मतदाता आफूतिर तान्न अक्सर उम्मेदवारले पैसाको चलखेल गर्ने गरेको विगतको चुनावी अभ्यासले देखाएको छ । यसतर्फ निर्वाचन आयोगले सूक्ष्म अनुशन्धान हुने पनि बताएको छ ।
