निरज बस्नेत
बर्जु ३, बर्जु, पुष २७
सुनसरीको सुन्दर गाउँपालिकामध्येको एक बर्जु गाउँपालिका हो । बर्जु गाउँपालिका वडा नं. ३ का वडाअध्यक्ष विनोद कुमार गुरुङ हुन् । नेपाली कांग्रेसबाट विजेता रहेका हुन् ।
अहिले यिनी गाउँपालिकामा सवैको प्रिय हुदै गइरहेको महसुस गरिदैं छ । यिनलाई झन् यिनको आफ्नै वडा नं. ३ का आम वडावासीले स्वभावत् मनपराउने भइहाले । यिनको काम गराई जनताको छिट्टै मन जित्ने खालको नै देखिने कुरा स्थानीय रुपेश कुमार चौधरी बताउँछन् । चौंधरी जस्तै अन्य थुप्रै वडावासीको दावी छ ।
वडाका जनता काम लिएर वडासम्म आउँदा अध्यक्ष गुरुङ झर्को–फर्को नमानी आफ्नै सम्झि आरामका साथमा आवश्यक काम गरिदिन्छन् । अझ आवश्यकता अनुसार वडावासीको माग बमोजिम कतिपय काम घरमै गएर समेत गरिदिन्छन् ।
कांग्रेसबाट वडाअध्यक्ष जितेको भएतापनि यिनको कामबाट अन्य दलका प्रतिनिधिले समेत खुलेर प्रंससा गर्ने गरेका छन् । विकास–निर्माणका काम स्रोत–साधनले भ्याएसम्मको गरिछाड्ने यिनको दृढ संकल्प रहेको छ । यसमा आम वडावासी साथ अध्यक्षलाई हमेशा स्टेप–स्टेपमा मिलिरहेको नै छ ।
आगामी दिनमा समेत आम वडावासीको मन जित्दै वडावासीकै साथमा रहेर आवश्यक कामकार्वाही अगाडी बढाउँदै लग्ने अध्यक्ष गुरुङको प्रतिवद्दता देखिन्छ । गुरुङको प्रतिवद्दतामा बर्जु गाउँपालिकाका अध्यक्ष जीवच्छ रायको समेत ऐक्यवद्दता रहेको पाइयो ।
