निरज बस्नेत
कानपोखरी, पुष २७
विराटनगरबाट पूर्वतर्फ हाइवेमा अवस्थित कानेपोखरी जक्सन रमाइलो ठाउँ हो । जहाँ हाइवेको मज्जामा यो जाडोमा तातो तातो थुक्पा खान पाइन्छ ।
थुक्पा जाडोमा खाँदाको विछ्छटै मज्जा छ । थुक्पा पारखी विराटनगर कंचनवारीकी स्मीता दाहाल समय मिलाएर, थुक्पा खानकै लागि कानेपोखरी जाने गरेको बताउँछिन् । रातो कलरको स्कुटीमा साथी स्वस्तीलाई लिदै अक्सर स्मीता कानेपोखरी जाने गरेको बताउँछिन् ।
स्मीताजस्तै विराटनगरकै हर्कमाया गुरुङ हस्पिटल चोकमा बस्छिन् । हर्कमाया पूर्वको कामको सिलासिलामा काकरभिट्टासम्मै पुग्छिन् । यिनको कपडाको होलसेल कारोवार छ । हुन त यिनी जोगबनी पनि कपडा लिन धाउँछिन् । तर, खाजामा तातात्तो थुक्पा भनेपछि यिनी हुरुक्कै हुन्छिन् । त्योपनि कानेपोखरीको जिब्रो रसाउँने थुक्पा ।
यहाँस्थित थुक्पा खानेको संख्या दिनहुँ बाक्लै हुने गरेको छ । कानेपोखरी चोकमा ५० जति होटल लगभग छन् । यहाँको होटलमा थुक्पाको साथमा, मम, चाउमिन, मासु चिउरा, खाना, लगायत अन्य खानाका धेरै परिकारहरु पाइन्छ ।
जाडोमा रम, दारु, को साथमा रमाउनेको आनन्द पनि हुन्छ नै, जोडी जोडी मिलेर सररर बाइकमा हुँइकिदै डेटिङ जाने अनि खाजामा थुक्पाको मज्जा लिने, अझै जुठो खाने र माया बढाउने, यो हो नी माया सँगसँगै रमाउने त्योपनि पूर्वको कानेपोखरीमा ।
