विर्तामाेड, पुष २९
लायन्स क्लब अन्तर्राष्ट्रिय अन्तर्गत लियो जिल्ला परिषद् ३२५ सि नेपालकाे दोश्रो परिषद् बैठक शनिबार झापामा बस्ने भएकाे छ ।
परिषद्ले पहिलो परिषद् बैठक तथा पदस्थापन कार्यक्रम बिराटनगरमा आयोजना गरेको थियो। यसपटकको दोश्रो बैठक भने झापाको बिर्तामोड स्थित सि पि होटेलमा हुने तय भएकाे छ । उक्त कार्यक्रमलाई रिजन थ्रीले हस्ट गर्ने लियाे जिल्ला परिषद् ३२५सि का अध्यक्ष शिद्दार्थ शाहले जानकारी दिएका छन् ।
कार्यक्रम बिर्तामोडमा आयोजना हुने भएकाले परिषद्ले जिल्लाभर भएका लियो सदस्यहरूलाई सहजताका साथ कार्यक्रममा सहभागी गराउनका लागि अनलाइन दर्ताको समेत व्यवस्था समेत गरिएकाे छ । बैठकमा परिषदले आफ्नो फेसबुक पेज मार्फत संचालन गरेकाे हाजीरीजवाफकाे केही उत्तरदाताहरुलाई विभिन्न पुरस्कार समेत प्रदान गर्ने भएकाे छ। सोही दिन शान्ति र्याली, उत्कृष्ट ब्यानर प्रस्तुत प्रतियोगिता समेत आयाेजना हुने भएकाे छ। परिषद्ले लियो सदस्यहरु भित्र रहेको प्रतिभालाई प्रष्फुटन गराउने उद्देश्यका साथ बैठककै दिन बक्तृत्वकला प्रतियोगिताको समेत आयोजना गर्दैछ ।
