विराटनगर , पुष ३
विराटनगरका पत्रकार कुमार लुइँटेलले नेपाल प्रेस युनियन प्रदेश नम्बर एकको अध्यक्ष पदमा उमेदवारी दिने घोषणा गरेका छन् ।
सोमबार विराटनगरमा युनियन सम्बद्ध पत्रकारहरुको भेला आयोजना गरी लुइँटेलले उमेदवारी घोषणा गरेका हुन् ।
दुई दशकअघि पत्रकारिता शुरु गरेका लुइँटेलले यसअघि युनियनको मोरङ जिल्ला अध्यक्षकाे रुपमा काम गरिसकेका छन् । उनी हाल बाह्रखरी डटकममा आवद्ध छन् । पत्रकार लुइटेल पार्टीकाे इतर खेमातिर छन् ।
इतर खेमाबाटै विराटनगरका आर्का पत्रकार मिनकुमार नवाेदितले समेत अध्यक्ष पदमा उमेदवारी दिने तयारी गरेका छन् । उनले सार्वजनिक रुपमा हालसम्म उमेदवारी घाेषणा गरेका छैनन् तर युनियनका प्रभावशाली नेताहरुसँग उनले प्रस्ताव राखिसकेकाे बुझिएकाे छ । त्यसैगरी संस्थापन खेमाबाट अध्यक्ष पदमा सुनसरीकाे पवन अधिकारीले उमेदवारी दिने तयारी गरेका छन् । संस्थापन खेमाबाट अध्यक्षमा हालसम्म आर्काे उमेदवारी देखिएकाे छैन ।
युनियनको माग १३ र १४ गते विराटनगरमा प्रदेश अधिवेशन हुँदैछ। प्रदेश अधिवेशनमा २ सय ७८ जना प्रतिनिधिको सहभागिता रहने छ । अधिवेशबाट २९ जना पदाधिकारी निर्वाचित हुने व्यवस्था छ ।
