निरज बस्नेत
विराटनगर, माघ १२
उच्च अदालत विराटनगरले मोरङ कारागारमा रहेका चौकिदार कैदी अभिषेक गिरीको रिटमा अन्तरिम आदेश दिन अस्वीकार गरेको छ । यो सँगै गिरीको रिट आजै सर्वोच्च अदालत काठमाडौंमा पुगेको छ ।
आफ्नो स्थानान्तरणको निर्णय बदरका लागि अन्तरिम आदेश माग गर्दे कैदी गिरीले उच्च अदालत विराटनगरमा गएको ३ माघमा रिट निवेदन दायर गरेका थिँए । न्यायाधीसद्दय रामबहादुर थापा र मिलनकुमार राईको इजलासले अन्तरिम आदेश दिन अस्वीकार गरेको हो ।
उच्च अदालतले अन्तरिम आदेश दिन नमानेपछि गिरीको रिट अव सर्वोच्च अदालतमा पुगेको छ । गिरी रिहा हुन एक महिनाभन्दा पनि थोरै समय बाँकी रहेको अवस्था हो । यही फागुन ३ गते गिरी रिहा हुदैछन् ।
नियमविपरित कारागार सरुवा गर्ने निर्णय भएको हुदाँ गिरी उच्चमा गएको ३ माघमा रिट लिएर पुगेका थिए । उच्चबाट अन्तरिम आदेश आएन । तसर्थ अव यो मुद्दा सर्वोच्चमा पुगेको छ ।
गिरी २०७८ मंसीर ९ गते मोरङ कारागार आई चौकिदार बनेका थिँए । गिरीलाई अपहरण तथा शरीर बन्धक मुद्दा लागेको हो ।
