मोरङ, माघ १६
मोरङको सुन्दरहरैचा नगरपालिका-३ स्थित राजमार्गमा ट्रकको ठक्करबाट मोटरसाईकल चालकको मृत्यु भएको छ । आइतवार बेलुका सवा ७ बजे प्रदेश नम्वर १-०२-००१ ख ९४३० नम्वरको ट्रकले को.३५ प ६७४८ नम्वरको मोटरसाईकललाई ठक्कर दिँदा गम्भिर घाईते भएका मोटरसाईकल चालक बुढीगँगा गाउँपालिका-७ मोरङका ३२ बर्षीय सुमित खवासलाई उपचारको लागि धरान घोपा अस्पताल पुर्याउने क्रममा मृत्यु भएको हो । दुर्घटनामा संलग्न ट्रक र चालक झापा हल्दिबारी-२ का ३५ बर्षीय धिरेन राजबंशीलाई इलाका प्रहरी कार्यालय बेलबारीले नियन्त्रणमा लिई थप अनुसन्धान गरि रहेको छ ।
