मोरङ , चैत २०
पूर्व क्षेत्रका नागरिकहरुको तर्फबाट पूर्वराजा ज्ञानेन्द्र शाहलाई गरिन लागेको नागरिक अभिनन्दनको तयारी पूरा भएको आयोजकले जानकारी दिएको छ । चैत २० गते सोमबार राजालाई सुनसरीको इनरुवामा भव्य तयारीका साथ अभिनन्दन गरिदै छ ।
शाहले कार्यक्रममा सहभागी हुने बचन दिए पछि पूर्व क्षेत्रका नागरिकहरुको तर्फबाट कार्यक्रम तय गरिएको नेपाल विद्धत् परिषद् पूर्वाञ्चल समितिका संयोजक बल्लभप्रसाद दाहालले जानकारी दिए ।
पूर्व क्षेत्रमा पूर्वराजा शाहलाई अभिनन्दन गर्ने अभिलाषा नागरिक समाजबाट उठे संगै स्वस्फुर्तरुपमा कार्यक्रम हुन लागेको हो । अहिले पूर्वराजा शाह झापामा छन् । उनी प्राय पूर्व आउदा झापामा रहने र सुभेच्छुकहरु संग भेटघाट गर्ने गर्दछन् ।
इनरुवाको खेल मैदानमा हुने कार्यक्रममा झण्डै ३० देखि ४० हजारको संख्यामा जनताको सहभागिता रहने अपेक्षा गरिएको आयोजकको भनाई छ । जनचाहना बमोजिम कार्यक्रम तय भएकाले भव्य र सफल रहने दाहालले बताए ।
