निरज बस्नेत
इनरुवा, सुनसरी, चैत्र २१
लोभ , लालच देखाएर मुलुकको विकास कदापि हुदैन भन्ने जोडदार सन्देश दिदै पूर्व राजा ज्ञानेन्द्र शाहले नेपाली जनतामाझ गहिरो सन्देश छोड्दै नेपालका नेताहरुलाई खवरदारी गराएका छन् ।
सुनसरीको इनरुवामा विशाल जनसहभागिताका बीचमा पुर्व राजालाई सोमवार नागरिक अभिनन्दन गरिएको छ । यसक्रममा आफ्नो ओजनपूर्ण धारणा जनतामाझ राख्ने क्रममा उनले देशको विग्रको अवस्थाप्रति गहिरो चिन्ता व्यक्त गरे ।
आम जनतामा सरकारप्रति बढेको वितृष्णालाई नजरअन्दाज गर्न नसकिने औंल्याउँदै आफूले यसलाई सूष्म विश्लेषण गरिरहेको बताएका छन् । पछिल्ला घटनाक्रमका बारेमा आफू जानकार रहेको उनको सम्वोधनले बताएको पाइयो ।
राष्ट्र र राष्ट्रियताप्रतिको जनताको चासो तथा चिन्ता सर्वत्र फैलिएर जाओस्, यो चिन्ता पनि उनमा रहेको उनले अभिव्यक्त गरेको सम्वोधनको सारले बताएकै थियो । आफ्ना समर्थकहरुको ठूलो संख्यामा उपस्थितीका बीचमा पूर्व राजाले इनरुवामा सवैको मन छुने अभिव्यक्ति दिएँ ।
जम्मा ६ मिनेटको समय वक्तव्यमा खर्चिएका भएतापनि ,उनले स्थिरता र स्थायित्व, सही राज्यको, सही राज्य पद्दती, शान्ति र अनुशासन विना सम्भव नहुने बताएँ । कसैलाई धन, कसैलाई मन, कसैलाई पद र कसैलाई कद दिएर लोभ्याएर सामाजिक संरचना च्यात्ने प्रयास भैरहेको बताएँ ।
