निरज बस्नेत
विराटनगर, चैत्र २५
विराटनगर महानगरपालिकाले विराटनगरभरी पार्किङ निषेधको निर्णय केही समय अगाडी गर्यो । निर्णय त गर्यो तर सरोकारवालासँग छलफल नै नगरी गर्यो । हचुवाको भरमा निर्णय त महानगरले गर्यो । अन्ततः यो निर्णय जसरी आयो त्यसरी नै फिर्ता पनि भयो ।
महानगरका मेयरले एक्कासी निर्णय लिनुलाई धेरैले निको मानेनन् । यो निर्णयप्रति विराटनगरका व्यापारीहरु आक्रोशित हुनपुगे । फलतः पार्किङ निषेधको निर्णय फिर्ता भयो ।
यता विराटनगरका व्यापारीको दावी यो पनि भयो की पार्किङ निषेधको निर्णयले विराटनगरको बजारको व्यापार डुवायो । यथार्थमा यो गलत नै हो । यस्तै यस्तै प्रतिकृया विराटनगरवासी अधिकांशको छ ।
विराटनगरमा सामान तथा वस्तुको मूल्य मनलाग्दी छ । यही सव विराटनगरवासीलाई पटक्कै मन परेको छैन । हिजोको दिनमा या भनौ बेलाबेलामा जोगबनीको कारण समेत यहाँको व्यापार धरासयी भयो यो भनाई पनि विराटनगरका धेरै व्यापारीहरुको रहने गरेको पाइदै आएको छ । तर, जोगबनीको व्यापारमा कडिकडाउ भएको पनि धेरै नै समय भइसकेको छ । खै त विराटनगरको व्यापार चम्केन त ?
यसमा मूलतः व्यापार गर्नेले सामान तथा वस्तुको मूल्यमा एकरुपता अनि जायज राख्नु नै हितकार हुनेछ । नत्र त अहिलेको जस्तै विराटनगरको व्यापार अस्तव्यस्त नै रहन्छ ।
