निरज बस्नेत
विराटनगर, वैशाख ३
विराटनगरका दुई दिग्गज व्यक्तित्व प्रबल जनसेवा श्री पदकबाट विभुषित भएका छन् । विभुषित हुनेमा उद्याेगी भिम घिमिरे र प्र.अ. खेम भट्टराई रहेका छन् । घिमिरे उद्याेगीकाे साथै एक चिरपरिचित समाजसेवी पनि हुन् । उनी उद्याेग परिसंघ नेपाल, काेशी प्रदेशका बाहलवाला अध्यक्ष समेत हुन् । त्यसै गरी अर्का व्यक्तित्व भट्टराई विराटनगरकाे श्री पोखरीया माविका प्र.अ. हुन् ।
दुवै जनालाई नयाँ वर्षकाे अवसर पारेर वैशाख १ गते राष्ट्रपति भवन, काठमाडाैंमा राष्ट्रपति रामचन्द्र पाैडेलले पदक सहित विभुषित गरेका हुन् । घिमिरे सुप्रबल जनसेवा श्री पदकबाट विभुषित भएका हुन् भने प्र.अ. भट्टराई प्रबल जनसेवा श्री पदकबाट विभुषित भएका हुन् ।
उद्याेगी एवं समाजसेवी घिमिरे कयाैं राष्ट्रिय तथा अन्तराष्ट्रिय समाजिक संघसस्थामा दशकाैंदेखि आवद्ध रहि मानव सेवामा समर्पित छन् । उनी लायन्स क्लव अन्तराष्ट्रिय डिस्ट्रिक्ट ३२५ नेपाल का पूर्व गभर्नर एवं टंकी जेसिजका सन्स्थापक अध्यक्ष समेत हुन् ।
त्यसैगरी प्र.अ. भट्टराईले सामुदायिक विद्यालयकाे गुणस्तर वृद्धिमा ठुलाे याेगदान पुर्याएका छन् । उनले नै पहिलाे पल्ट विराटनगरमा सरकारी विद्यालयमा अग्रेजी माध्यमकाे पठनपाठन शरुवात गरी सामुदायिक विद्यालयप्रति हेर्ने समाजकाे दृष्टीकाेण परिपवर्तन गरेका थिए । हाल उनी प्र.अ. रहेकाे श्री पोखरीया माविमा ३३ सय भन्दा बढी विद्यार्थी अध्ययनरत्त छन् ।
