विराटनगर
विराटनगरबाट ५४ तोला सुन, ८ केजी चाँदी र साढे सात लाख रूपैयाँ भारुसहित केएल दुगडका एकाउटेण्ट पक्राउ परेका छन् । पक्राउ पर्नेमा केएल दुगडका एकाउटेण्ट भारत बिहार कटिहारका ६१ बर्षीय बिनोद कुमार मुरारका सहित उनकि श्रीमती ५६ बर्षीया पुष्पा मुरारका र चालक बिराटनगर-२ का ५२ बर्षीय बिमल कामत रहेका छन् । पक्राउ परेकामध्ये बिनोद मुरारका भारतीय नागरिक हुन् ।
शुक्रबार दिउँसो साढे ३ बजे बिशेष सुचनाको आधारमा कोशी प्रदेश प्रहरी कार्यालय बिराटनगर (RIT) बाट परिचालन भएको प्रहरी बरिष्ठ नायव निरीक्षक फिरोज चौधरी सहितको प्रहरी टोलीले संकास्पद अवस्थामा बिराटनगरबाट रानीतर्फ जादै गरेको को. २ च १४९५ नम्वरको इको भेनलाई रोकी चेक जाँच गर्ने क्रममा भेनमा लुकाई छिपाई राखिएकाे अवस्थामा सुन तथा नगद बरामद गरेको हो । बरामद सुनसहितका सामान अन्दाजी ९० लाख मूल्य बराबरको रहेको अनुमान गरिएकाे छ ।
एकाउटेण्ट मुरारका दशकाैंदेखि केएल दुगडमा संलग्न रहेकाे कर्मचारी हुन् । उनले प्रहरीलाई दिएकाे बयानमा साे सुन तथा अन्य समाग्री सबै निजकै भएकाे बताएका छन्। तर मुरारका जस्ता अनुभवि एकाउटण्टलाई यति ठुलाे मात्रामा सुन चाँदा तथा नगद सिमा पार गर्नु /गराउनु गैरकानुनी कार्य हाे भन्ने विषय जानकार हुनुपर्छ ।
मुरारकाले बरामद सुन चाँदी तथा नगद आफ्नै भएकाे दावी त गरिरहेकाे छन् तर यति ठुलाे जमा पुंजी उनीकै भएकाे कुनै ठाेस प्रमाण नभेटिदा शंककाे शुई अन्त्यै तिर लम्कीएकाे छ ।
बरामद सामग्रीहरुः
सुनबाट बनेका सामग्रीहरुः
- ठुलो बिस्कुट थान-३ ( ३० तोला )
- सानो बिस्कुट थान-६ ( ६ तोला )
- ५ ग्रामको बिस्कुट थान-२ ( १० ग्राम )
- सिक्काहरु ( ३६ ग्राम )
- ४ ग्रामको सिक्काहरु थान-१० ( ४० ग्राम )
- १० ग्रामको सिक्का थान-१
- ८ ग्रामको सिक्का थान-६ । ( ४८ ग्राम )
- १० ग्रामको सिक्काहरु थान-२ (२० ग्राम )
- कनौती थान-२ ( ५.७८ ग्राम )
- ह्यालिङ थान-२ ( ६.५० ग्राम ) चाँदीबाट बनेको सामग्रीहरु
- ढिक्का थान-११ ( १७१९.४४ ग्राम )
- बुनिया ( ९२.८० ग्राम ।
- सिक्का थान-६८ (३६८.३२ ग्राम )
- चार मुखे कचौरा (दियो) थान-१ (५०.१४ ग्राम )
- सिन्धुर राख्ने सिसि थान-१ ( ५.४८ ग्राम )
- थाल थान-६ , (२४१४.०८ ग्राम )
- कचौरा थान-६ (३९७.८४ ग्राम )
- चम्चा थान-६ ( ३०३.४९ ग्राम )
- गिलास थान-६ ( ३६८.८३ ग्राम )
- मड्की थान-१ ( ३७.८८ ग्राम )
- डिनरसेट ढोंगा ४ थान
