काठमाडौं, भाद्र ८
मापसे गरेको भन्दै सिल्क एयरले एनआरएनए अध्यक्ष भवन भट्टको यात्रा रद्द गरेको छ । उनी प्रधानमन्त्री केपी शर्मा ओलीलाई भेट्न काठमाडौंबाट सिंगापुर जान लागेका थिए । सबै सेक्युरीटि प्रक्रिया सकेर हवाई जहाजको सिटमा बसीसकेका भट्टलाई मापसे गरेको भन्दै प्लेनका कर्मचारीले बाहिर निकालीदिएका थिए । उनीसँगै रहेका सनत न्यौपानेलाई समेत जाहाजबाट बाहिर निकालिएको थियो ।
प्रधानमन्त्रीलाई भेटेर स्वास्थ्य लाभको कामना गर्ने र सिंगापुरमा रहेको बिजनेसको लागि पनि छलफल गर्ने भट्टको योजना थियो ।
मापसे गरेर प्र.म.लाई भेट्न गएको विषयमा उनको सर्वत्र आलोचना भएपछि अहिले उनी आफुले लिमिटमा रक्सी खाएको बाहाना बाजी गर्दै आएको छन् ।
