विराटनगर
उपचार खर्च तिर्न नसक्दा भाेजपुरका राजकुमार तामाङ यतिबेला विराटनगरकाे एक अस्पतालमा थन्किएका छन् । सुनसरीकाे धरानमा सवारी चालककाे काम गर्दै आएका तामाङ एक महिना अघि आगलागी परि घाईते बने । साहु पारस पाेखरेलकाे ट्रकमा पेट्राेल भर्ने क्रममा अचानक आगलागी हुँदा उनकाे दुबै हात, पाखुरा र ढाड जल्याे ।
आगलागीमा परेपछि घाईते राईलाई धरानबाट तत्काल विराटनगरकाे रेड प्लस अस्पतालमा ल्याईयाे र भर्ना गरियाे । अस्पातलले लगातार तिन हप्ता उपचार गरेपछि राईकाे घाउ निकाे भयाे । र अस्पताल प्रशासनले उनलाई डिस्चार्ज गर्याे । तर अस्पतालले डिस्चार्ज गरेकाे एकहप्ता वितिसक्दापनि साहुले अस्पतालकाे उपचार खर्च तिर्न नसक्दा राई घर फर्कन पाएका छैनन् । राई आफ्नाे श्रीमती र एक बच्चा सहित अस्पतालमै बास गरिरहेका छन् ।
