विराटनगर, जेठ ३०
कुनैबेला नेपालमा भारतीय मुद्रा बलियो मानिन्थ्यो । मान्छेले भारु रुपैया पाउनासाथ पेन्टको भित्री गोजीमा राख्ने गरेको पाइन्थ्यो ।
यता आएर आजभोली भारु नोट लिन नेपालीहरु हच्किरहेका छन् । १० हजार भारुको नेरु १५ हजार ८ सय मात्र आउँछ । यो काम चाही सटही काउन्टरमा दिनहुँको धन्दा बनिरहेको देख्न पाइन्छ ।
कतिपय ठाउँमा रु ५ सय भारुको नेरु रु ७ सय पनि हुनेगरेको देखिदै छ । हुन त यो कुराले नेपाली जनतामा राम्रै छाप परेको पाइन्छ । तरपनि गर्भरमेन्ट लेवलबाट ठोस जवाफ नआएसम्म के कारणले भारुको दरमा कमी आएको हो यसै भन्न पनि नसकिने अवस्था रहन्छ ।
खासमा नेपाल सरकारले यस्तो नीति ल्याएको पनि होइन । भारतले त झन् आफ्नो देशको मुद्रा सस्तो बनाउँने त कुरै भएन । किन पछिल्लो समयमा आएर भारु मुद्रा अवमूल्यन बन्यो ?
यससम्वन्धमा जोगबनी रोडमा चश्मा पसल संचालन गर्दे आएका, सुवास ढकालको प्रतिक्रिया अलिक फरक किसिमको छ । ढकाल भन्छन् ः – बजारमा मन्दी आएको नौंटकी चलाइयो , अनि भारुलाई कमजोर बनाइयो ।
अर्की व्यवसायी ताराको धारणा चाँही , जव सरकारले केही बोलेको छैन भने हामी को हौं र घटाउने भनेर भन्छिन् ।
भारु सटही काउन्टर संचालकहरु प्नि यो कसरी यस्तो भएको भन्ने बारेमा अनभिज्ञता प्रकट गर्छन् । अव हामी त बजारको माग अनुसार चल्ने हो । जता फाइदा उतैतर्फ लाग्छौ भनेर सटही काउन्टर संचालकहरु बताउछन् ।
हुन त यो पारा लामो समय नजाने उनीहरु भन्छन् । भारतीय समाचार संस्थाले त विश्व बजारमा मन्दी आएको अनि डलरको मूल्य बढेको कारण पनि भारु कमजोर बनेको समाचार समेत सम्प्रेक्षण गरिरहेका छन् ।
भारतको बढ्दो आवादी, ब्यापारमा घाटा, आर्थिक मन्दीको चपेटामा विश्वनै परेको अवस्था लगायतका कारण पनि नेपालमा समेत स्वतः भारु मुद्रा कमजोर भएको बताइन्छ । यसमा व्यक्तिपिच्छे विश्लेष्कहरुको विश्लेषण पनि फरक फरक आइरहेको देखिन्छ ।
