काठमाडौ, मंसिर १
टिकटकमा बन्देज लगाउने सरकारी निर्णयको विरुद्ध सर्वोच्च अदालतमा ५ वटा रिट परेकाे छ । निर्णय खारेजीको माग गर्दै अधिवक्ता दिनेश त्रिपाठीको सहित ५ वटा रिट सर्वोच्चमा परेपनि रिट दर्ता भने भइसकेको छैन ।
सर्वोच्च अदालतका एक अधिकारी अनुसार रिटहरु अध्ययनका क्रममा रहेको र अध्ययनपछि कुन कुन रिट दर्ता हुने/नहुने भन्ने सम्बनधमा निर्णय हुने बताएका छन् ।
अधिकांश रिट निवेदनमा टिकटकमा बन्देज लगाउने सरकारी निर्णयले नागरिककाे हक एवं अभिव्यक्ति स्वतन्त्रताको हनन भएकाे दावी सिहत सरकारको निर्णय बदरको माग गरिएको छ ।
सार्वजनिक शिष्टाचार विरुद्धका कसुरहरु धेरै भएको र टिकटक कम्पनीले टिकटकबाट हुने अपराध न्युनिकरण र दोषीमाथिको कारवाही प्रक्रियामा सहयोग नपुराएको भन्दै सरकारले कात्तिक २७ गतेको मन्त्रिपरिषद् बैठकबाट टिकटकमा प्रतिबन्ध लगाउने निर्णय निर्णय गरेकाे थियो ।
