काठमाडाैं, मंसिर १५
बिहिबार विराटनगरको बरगाछी पुर्व पत्रकार चौकमा कर्तब देखाउदै गरेको अवस्थामा एक सर्कस टोलीलाई प्रहरीले पक्राउ गरेको छ । सो सर्कस टोलीमा अन्दाजी ४५ वर्षीय एक महिला र ३ बालबालिका थिए ।
सर्कस देखाउने क्रममा महिलाले ३ बालबालिकालाई जोखिमपुर्ण कार्यमा लगाएको देखेपछि स्थानीयहरुले तत्काल प्रहरीलाई खबर गरेको थिए । प्रत्यक्षदर्शीका अनुसार सर्कस देखाउने महिलाले अन्दाजी २० फिट अग्लो बासको खम्बामा डोरीको पुल बनाई त्यसमा एक बालिकालाई हिड्न लगाएकी थिईन् । त्यसबाहक पनि अनेकौं कर्तब देखाउने तयारी गरिरहेको अवस्थामा प्रहरीले उनीलाई पक्राउ गरेको हो ।
उक्त कर्तब देखाउने टोली भारतको छत्तिसगढबाट आएको जानकारी प्राप्त भएको छ । उनीहरुले यसै गरी सडकमा कर्तब देखाएर आफ्नो राजीरोजी चालाईरहेको प्रहरीलाई बयान दिएका छन् ।
