पुष २, विराटनगर
मोरङ व्यपार संघ एक्स्पो २०८० को २५० वटै स्टलहरु बुकिङ्ग भएको छ ।
मोरङ व्यपार संघले यही पुष ६ गते देखि १६ गतेसम्म बिराटनगर २ स्थित शंखरापुरमा आयोजना गर्न लागेको सो एक्स्पोको सतप्रतिशत स्टलहरु बुकिङ्ग भईसकेको आयोजकले जानकारी दिएको छ । एक्स्पोमा स्टल खरीद गर्नेहरुमा नेपाल भारत बंगलादेश र पाकिस्तानका व्यवसायीहरु रहेका छन् । एक्स्पो सुरु हुन धरै दिन बाँकी रहदा स्टलहरु पुर्णरुपमा बिक्रि भएपछि थप स्टलहरु निर्माणको लागि आयोजकबिच छलफल समेत चलीरहेकाे छ ।
यसपटकको एक्स्पोमा आइफिल टावर, किडस जोन, सास्कृतिक तथा स्थानीय जनजातिका खाना पहाडी क्षेत्रमा उत्पादन हुने सबैखालका सामान, औद्योगिक र कृषि उत्पादनको आर्कषण रहनेछ । एक्स्पोमा ५ लाख मानिसले अवलोकन गर्ने अनुमान गरिएको छ । सुस्ताएको व्यपारलाई उकास्न यस एक्स्पोले केही हदसम्म राहत पुग्ने संचालकहरुको अनुमान छ ।
यस पटकको एक्स्पो व्यापार संघका उपाध्यक्ष अनिल शाहको संयोजकत्वमा संचालन हुन गईरहेको छ । साथै सहसंयोजकमा अमित सारडा र सञ्जय श्रेष्ठ रहेका छन् ।
