काठमाडाैं, पुष २५ । प्रहरीको केन्द्रिय अनुशन्धन व्युरो (सीआईबी) ले राम बहादुर बमजनको घरबाट रु ३ करोड बढी रुपैँया बरामद गरेको छ । बुढानिकण्ठस्थित हात्तिगौडामा रहेको उनको घरमा प्रहरीले छापा मार्दा १६ वटा देशको मुद्रा सहीत कम्तीमा ३ करोड ३४ लाख रुपैँया बरामद गरेको हो । बमजनको घरवाट प्रहरीले दुईथान ल्यापटप, २० वटा मोबाइल सेट, १५वटा पेनड्राइभ अमेरीकी डलर थाई र क्यानेडियन मुद्रा बरामद गरेको हो ।
लिटिल बुद्ध नामले चिनिएका रामबहादुर बमजनलाई हत्या बलत्कार आफ्रनै आश्रमका अनुयायीलाई बेपत्ता पारेको आरोप लागेपछि उनी फरार भएका थिए । तर लामो समयपछि सीआईबीले बमजनलाई उनकै घरबाट पक्राउ मंगलवार पक्राउ गरेको छ । आफु पक्राउ हुने जानकारी पाएपछि वमजन घरको दुई तलाबाट हामफालेर भाग्ने कोशिस गरेपनि उनको यसपटकको भाग्ने कोशिसलाई प्रहरीले नाकाम पारेको हो ।
बमजनमाथि नुवाकोटकी कर्मा तामाङ, मकवनपुरकी फुलमाया रुम्बा, सुरेश आले, सर्लाहीकी रिता बोट र सञ्चमान बाइलालाई बेपत्ता पारेको आरोप लागेको छ ।
