विर्तामाेड,पुष २९। विराटनगर निवासी समाजसेवी दीनबन्धु गोयलले झापाको भद्रपुर स्थित “ओमप्रकाश गोयल कोलोनी”का परिवारलाई खाद्यसामग्री प्रदान गरेका छन् ।
उनले शुक्रबार कोलोनीमा बसोबास गर्दै आएका १४ परिवारका लागी माघेसंक्रान्ति मनाउन खाद्यसामग्री वितरण गरेका हुन् ।
स्वास्थ्यमा समस्या आएका कारण गाेयल स्वयम् भने वितरण कार्यक्रममा उपस्थित हुन सकेनन् । गाेयल नआउने भएपछि खाद्यसामग्री वितरण कार्यक्रम करिब करिब स्थगननै हुने अवस्थामा पुगेकाे थियाे । तर गाेयलले “मलाई नामभन्दा काम मतलब छ” भनेपछि उनकाे अनुपस्थितीमै निर्धारित मितीमै वितरण कार्यक्रम हुन पुग्याे । गोयलका प्रतिनिधिका रूपमा गौतमबुद्ध स्कुलका प्रधानाध्यापिका जयन्ती मानी र समाजसेवी सजल कुन्डुले खाद्यसामग्री वितरण गरेका थिए । कार्यक्रममा प्रति परिबार चामल २५ किलाे, मसुरो दाल ३ किलाे, आलु ५ किलाे, नुन ५ किलाे, सखर ३ किलाे र भुजा किलो प्रदान गरिएकाे थियाे । त्यस्तै तोरीको तेल २ लिटर, सोयाबिन १ प्याकेट र नगद ५ सय पनि प्रदान गरिएको थियो ।
समाजसेवी गाेयलले नै गत वैशाखमा १ कराेड खर्चेर ”ओमप्रकाश गाेयल काेलाेनी” निर्माण गरेका थिए । स्वर्गीय दाजु ओमप्रकाशकाे नाममा समाजसेवी गाेयलले साे काेलाेनी निर्माण गरेका थिए । नगरपालिकाको समन्वयमा उक्त स्थानलाई समेत ओम गोयल कोलोनी मार्ग नामकरण गरिएको छ । साे कार्यक्रम वडाध्यक्ष रतिया राजवंशीका अध्यक्षतामा सम्पन्न भएको थियो ।
शनिबार पनि गाेयलले सुनसरी छिटाहाका ६० घर ऋषिदेव परिवारका महिला तथा वृद्धहरुलाई अम्बे मुरारी सेवा केन्द्रमार्फत ६० थान कम्बल वितरण गरेका थिए ।
पछिल्लाे समय तराईमा सित लहरसँग जाडाे बढेपछि अम्बे मुरारी सेवा केन्द्रले साे ऋषिदेव बस्तीमा कम्बल वितरण गर्ने निधाे गरेकाे थियाे । गाेयलकाे सहयाेगमा स्राेत जुटाउन सफल भएकाले केन्द्रले दातालाई धन्यवाद समेत व्यक्त गरेकाे छ ।
