विराटनगर, फागुन १३
एमाले नेता सुवास नेम्वाङको मृत्यु पश्चात् रिक्त रहेको इलाम २ मा आगामी बैशाख १५ गते उपनिर्वाचन हुने भएको छ । सो कुराको जानकारी निर्वाचन आयोगले दिएको छ । आयोगका अनुसार बझाङ १ प्रदेश सभा मा पनि यसै दिन १५ बैशाखकै दिन उपनिर्वाचन हुनेछ ।
बझाङ १ प्रदेश का निर्वाचित सांसद पृथ्वीबहादुर सिंहको निधन भएका कारण उपनिर्वाचन हुन लागेको हो । सिंह कांग्रेसबाट निर्वाचित सांसद थिएँ भने नेम्वाङ एमालेबाट निर्वाचित सांसद थिएँ । संविधानसभा अध्यक्ष समेत रहेका इलामका नेम्वाङको गत २६ भदौमा मृत्यु भएको थियो ।
यता सुदुरपश्चिम प्रदेश सरकारका आन्तरिक मामिला मन्त्री समेत रहेका सिंहको गत ५ असारमा सडक दुर्घटनामा परी मृत्यु भएको थियो । त्यस्तैगरी २ दर्जन स्थानीय तहमा पनि उपनिर्वाचन गर्नुपर्ने देखिन्छ । स्थानीय तहको निर्वाचन मिति भने सरकारले तोक्ने व्यवस्था छ ।
