विराटनगर, भदाै १६ । आत्महत्या रोकथाम सहजिकरण सम्बन्धि तालिम शनिबार विराटनगरमा समपन्न भएको छ । आत्महत्या रोकथाम एंव निरुत्साहित गर्न त्यसको जोखिम र पहिचानका विषयमा साे तालिममा सहभागीहरुलाई प्रशिक्षित गराईएकाे छ ।
विराटनगर महानगरपालिकाको समन्वयमा साइ डेस्क र वल्डलिंक कम्युनिकेशन प्रा.लिको आयोजनामा दुई दिनसम्म चलेकाे तालिममा विराटनगर महानगरपालिकाका १९ वटै वडा स्वास्थ्यकेन्द्रका प्रमुख ,महानगरपालिकाका स्वास्थ्य शाखाका प्रमुख तथा कर्मचारी सहित विद्यालयका शिक्षकहरुको सहभागिता रहेको थियाे । तालिममा महानगरपालिका विभिन्न विद्यालयका १० जना शिक्षकको सहभागिता रहेकाे थियाे । शुक्रबार साे तालिमको उद्घाटन गर्नुहुँदै विराटनगर महानगरपालिका प्रमुख नागेश कोइरालाले नेपालमा आत्महत्याको घटनाहरु बढदै गइरहेकाले त्यसको रोकथामका लागि यस विषयमा स्थानिय स्तरमा जनचेतना जगाउन आवश्यक रहेको बताएका थिए ।
उनले आत्महत्या समस्याको समाधान होइन भन्दै कुनै पनि समस्या आएमा तनाव लिने भन्दापनि सवैसंग सल्लाह सुझाव लिएर समस्याको समाधान खोज्नुपर्ने मेयर काेईरालाकाे भनाई थियो । समस्यामा परेका व्यक्तिलाई तनाबबाट मुक्त राख्न परिवार र समाजको भुमिका पनि महत्वपुर्ण रहने कुरामा समेत उनले जाेड दिएका थिए । सहभागीहरुलाई मनाेविज्ञ डा.नगेन्द्र सिंह ठगुन्नाले तालिम दुईदिनसम्म अनुव्रत तालिम प्रादन गरे । त्यस्तै महेन्द्र माेरङ्ग कलेजका शिक्षक तथा विनाेविद चेतन खड्काले समेत आत्महत्यालाई राेकथाम गराउने विषयमा अभिमुखिकरण गराए । प्रशिक्षकहरुले विषेशगरी आत्महत्यालाई कसरी निरुत्साहित र रोकथाम गर्न सकिन्छ भन्ने विषयमा तालिम कन्द्रित गराएका थिए ।
