०७ मंसिर २०८३, आइतबार
22-11-2026 , Sun
Gold Silver Price (Mangsir 1, 2083, TUE)
Fine Gold 1 Tola NRs. 267500
Silver 1 Tola Nrs. 3505

तीज पर्वले नेपालीलाई एक सूत्रमा बाँधेको छ : मेयर कोइराला

Logo
जनचर्चा संवाददाता

विराटनगर,भदाै २० । विराटनगर महानगरपालिकाका मेयर नागेश कोइरालाले विराटनगर भाषा, कला र संस्कृतिमा धनी महानगरपालिका भएको बताउनुभएको छ ।
तीज पर्वका अवसरमा महानगरपालिकाले आयोजना गरेको शुभकामना आदानप्रदान तथा तीज विशेष कार्यक्रमलाई सम्बोधन गर्दै मेयर कोइरालाले महानगर क्षेत्रभित्र विभिन्न १२२ जातजातिको बसोबास रहेको बताउनुभयो । १२२ वटै जातिको आ–आफ्नै भाषा, कला र संस्कृति भएको बताउँदै मेयर कोइरालाले भन्नुभयो, ‘ती सबै जातजातिलाई सांस्कृतिक रुपमा तीज पर्वले एकताबद्ध बनाएको छ ।’
मेयर कोइरालाले महानगरपालिकाले सबै भाषा, कला र संस्कृतिको संरक्षण र सम्वद्र्धन गर्ने बताउनुभयो । तीजलाई खर्चिलो र भड्किलो हुनबाट जोगाउनुपर्ने चुनौतीसमेत देखिएको उहाँको भनाइ थियो । मेयर कोइरालाले भन्नुभयो, ‘सामाजिक सञ्जालहरुमा विभिन्न टिकाटिप्पणीहरु आउने गरेको छ । त्यस्ता टिकाटिप्पणी नआउने गरी सभ्य र मर्यादित रुपमा मनाउन सबैलाई आग्रह पनि गर्दछु ।’

उपमेयर शिल्पा निराला कार्कीले महानगरले अघिल्लो वर्ष पनि तीज विशेष कार्यक्रम गरेको स्मरण गर्दै यस्ता कार्यक्रमले जनप्रतिनिधि र कर्मचारीबीचको सम्बन्ध बलियो हुने बताउनुभयो । उहाँले यस्ता कार्यक्रमले कर्मचारीहरुलाई कार्यसम्पादनमा थप हौसला र ऊर्जा प्राप्त हुने विचार व्यक्त गर्नुभयो । प्रमुख प्रशासकीय अधिकृत राजेन्द्र पराजुली, शैक्षिक प्रशासन महाशाखा प्रमुख रामप्रसाद ढुंगेल, सामान्य प्रशासन महाशाखा प्रमुख अर्जुन थपलिया, भौतिक पूर्वाधार महाशाखा प्रमुख अर्जुन थापा, वातावरण शाखा प्रमुख राकेश ठाकुरलगायतसमेतको उपस्थितिमा भएको कार्यक्रममा उपमेयर कार्कीले तीज एउटा निश्चित समुदाय र महिलाको मात्रै हो भन्ने भाष्य चिरिँदै गएको बताउनुभयो । उहाँले सबै समुदायले साझा पर्वका रुपमा तीजलाई ग्रहण गरिसकेको दाबी गर्नुभयो । कार्कीले तीजको व्रत बस्दा आफ्नो स्वास्थ्यको ख्याल गर्न आग्रहसमेत गर्नुभयो ।
कानुन शाखाकी प्रमुख शारदा थपलियाले सञ्चालन गरेको कार्यक्रममा उपस्थिति सहभागीहरुले तीजसँग सम्बन्धित विभिन्न गीतमा नृत्यसमेत प्रस्तुत गरेका थिए । सो अवसरमा महानगरका महिला जनप्रतिनिधि, महानगरअन्तर्गत सबै कार्यालयका महिला कर्मचारी, महिला स्वयंसेविका, महिला नगर प्रहरीलगायतको उपस्थिति रहेको थियो ।

कमेन्ट गर्नुहोस्
सम्बन्धित

१ मंसिर, काठमाडौं । प्रहरी महानिरीक्षकको जिम्मेवारीबाट हटाइएका दानबहादुर कार्कीले सर्वोच्च अदालतमा दायर गरेको रिट निवेदनमाथि बुधबार प्रारम्भिक सुनुवाइ हुने भएको छ । कार्कीले २० कात्तिकमा निवेदन दर्ता गरेका थिए । अदालतले तिहार बिदापछि ३० कात्तिकका लागि सुनुवाइको मिति तोकेको भए पनि सरकारले सोही दिन छठको सार्वजनिक बिदा दिएकाले मुद्दा स्वतः सरेको थियो । तिहार […]

काठमाडाै‌, कार्तिक २४ ।  नेपाल संवत् ११४७ आज देशभर विविध कार्यक्रमसहित मनाइँदै छ। नेवार समुदायले यस दिनलाई नयाँ वर्षका रूपमा मनाउँदै म्हः (आत्म) पूजा पनि गरिरहेका छन्। काठमाडौंको वसन्तपुरमा नेवार समुदायका मानिस भेला भई बाजागाजासहित पर्व मनाएका छन्। इतिहासअनुसार राष्ट्रिय विभूति शङ्खधर साख्वाले विसं ९३७ (इसं ८८०) मा गरिब जनताको ऋण मोचन गरेपछि नेपाल संवत् […]

काठमाडाै‌, कार्तिक २४ । राष्ट्रिय स्वतन्त्र पार्टी (रास्वपा) का उपसभापति तथा अर्थमन्त्री डा. स्वर्णिम वाग्ले अमेरिकी पत्रिका टाइमको १०० प्रभावशाली व्यक्तिको सूचीमा परेपछि पार्टीले उनलाई बधाई दिएको छ। महामन्त्री विपिनकुमार आचार्यले जारी गरेको विज्ञप्तिमा जलवायु वित्त परिचालन, स्रोत व्यवस्थापन र अन्तर्राष्ट्रिय प्रणालीगत सुधारमा वाग्लेले देखाएको नेतृत्वलाई नेपालका लागि महत्त्वपूर्ण भनिएको छ। विज्ञप्तिअनुसार रसुवा/भोटेकोशी बाढीपछि वाग्लेको […]