विराटनगर, फागुन १८ । रोट्रयाक्ट क्लब अफ विराटनगरले सिद्धार्थ क्यापिटलको सहकार्यमा शनिबार आफ्ना सदस्यहरूलाई सामूहिक लगानी कोष (Mutual Fund) सम्बन्धी प्रशिक्षण प्रदान गरेको छ। क्लबको विराटनगर सिडिओ कार्यालय नजिक अवस्थित आफ्नै भवनमा आयोजना गरिएको उक्त कार्यक्रममा ४० जनाभन्दा बढीको सहभागिता रहेको थियो।
कार्यक्रममा सिद्धार्थ क्यापिटलका अफिसर प्रकाश सुवेदीले सामूहिक लगानी कोषको वर्तमान अवस्था, भविष्य र यसमा लगानीका अवसरहरूबारे प्रशिक्षण दिएका थिए। साथै, ओपन इण्डेड फण्ड अन्तर्गतको व्यवस्थित लगानी योजना (SIP)बारे समेत सहभागीहरूलाई जानकारी गराएका थिए।
क्लबका अध्यक्ष प्रेम पारकको सभाध्यक्षतामा आयोजित उक्त कार्यक्रममा जनचर्चा डटकमका प्रकाशक तथा सम्पादक दिनेश खड्का, क्लबका निवर्तमान अध्यक्ष अरोस पौडेल, रोट्र्याक्ट क्लब अफ विराटनगर सेन्ट्रलका अध्यक्ष कौशल साह, सोही क्लबका डाउनटाउनका अध्यक्ष दिक्षान्त देव र रोट्र्याक्टकै नोबलका अध्यक्ष आर्यन शर्माको उपस्थिति रहेको थियो।
त्यस्तै, क्लबका उपाध्यक्ष रितेश अग्रवाल, आईएसडी अनुभव बस्नेत, सचिव कौशिला भट्टराई, कोषाध्यक्षद्वय अनिल रौनियार र सन्दिप रौनियार, आईटी संयोजक स्लोक कोइराला, सदस्यहरू जुनु राई, अंकिता मगर, सिजन कोइराला, एलिजा मरिक, रंजना साह, अमन कर्ण लगायतको उपस्थिति रहेको थियो।
