मोरङ, आसोज ०४
बुधनगरमा बनेको रेल्वे कस्टम यार्ड गुणस्तरहिन भएको भन्दै पुनः निर्माणका लागि उक्त कम्पनीलाई निर्देशन दिनुपर्ने माग सहित मोरङका प्रमुख जिल्ला अधिकारीलाई ज्ञापनपत्र बुझाइएको छ ।
बथनाहा कटहरी रेल खण्डमा नेपाल भारत सरकारको सम्झौता अनुसार निर्माणको जिम्मा भारतीय निर्माण कम्पनी ईरकोन ईन्टरनेशनले लिएको थियो ।
दाया : अक्ष्यक्ष शर्मा
उक्त कम्पनीले निर्माण गरेको भौतिक संरचना अति नै निम्न स्तरको सामग्री प्रयोग गरेर बनाएको कस्टम यार्ड वर्ष दिन नबित्दै भत्किएको सामाचार विभिन्न पत्रपत्रिकामा आएपनी स्थानीय सरकारले चासो नदेखाएपछि शुक्रबार ज्ञापनपत्र बुझाइएको सिमान्चल मैत्री संवाद समुहको संयोजक राजेश कुमार शर्माले जानकारी दिए ।
उनले सार्वजनिक हित तथा महत्त्वको बिषयवस्तु भएको हुनाले भबिस्यमा त्यसको संरचनाबाट कुनै किसिमको भौतिक तथा मानवीय क्षति हुन नदिन स्थलगत निरिक्षण गरि उक्त निर्माण कम्पनीलाई पुनः निर्माण गर्न निर्देशन जारि गर्न ज्ञापनपत्र बुझाएको बताउनु भयो ।
पत्रमा कस्टम यार्ड निर्माणमा लाखौंको हिनामिना भएको हुनसक्ने आशंका समेत उल्लेख भएको छ । ज्ञापन पत्र बुझउन मैत्री संवाद समूहका गंगा प्रसाद यादव, आशा सरदार, चुरा ठकुरी,निमेश पोखरेल ,संजय मगर जिल्ला प्रमुखसमक्ष पुगेका थिए ।
